Start 3:19 - Hawaii Pidgin Bible

¹⁹ You gotta bus ass an sweat Fo get enuff food outa da groun, An afta, you goin go back to da dirt Cuz I wen make you outa da dirt. You come from dirt, An you goin come dirt one mo time.”

Start 3:19 Referans Kwoze

Teacha 12:7

O oua body go back inside da dirt wea we come from, An oua spirit go back by God dat give um to us.

Job 34:15

Den all da peopo goin mahke togedda. Fo come dirt one mo time.

Songs 104:29

Wen you hide, an no let um see yoa face, Bodda dem plenny. Wen you no let um breave no moa, Dey mahke an dea body come dirt One mo time.

Start 2:7

Den God, Da One In Charge, take dirt from da groun an make one guy. God blow on top his face fo make da guy come alive. Az how da guy get life inside him.

Songs 90:3

You da One make peopo come dirt One mo time wen dey mahke. You tell, “You peopo, time awready Fo you come dirt jalike befo time!”

Efesus 4:28

Whoeva steal stuffs betta not do um no moa. Dey gotta work hard fo do good kine stuff wit dea hands. Den dey can give stuffs to da peopo dat need um.

Teacha 3:20

Dey all go da same place. All a dem come from da dirt, an all a dem go back to da dirt.

Start 18:27

Den Abraham tell God, “Eh, I like try talk to you some moa. I know you da One In Charge, an me, I jalike da dirt. I notting!

Daniel 12:2

Plenny peopo dat stay mahke, jalike dey stay sleep unda da groun, dey goin come alive one mo time, jalike dey wake up. Some a dem goin come alive fo get da kine life dat stay foeva. Odda peopo goin come alive fo come shame foeva, an odda peopo goin feel pilau wen dey even tink bout dem.

Teacha 1:3

“From all da stuff anybody do, No matta dey stay bus ass in da sun. Wen pau, wat goin get from all dat?

Songs 22:15

Befo time, strong, me. But now I all weak, Jalike wen da mud dry up from da sun. My tongue stay real dry, az why I no can move um. You wen throw me down on top da dirt fo me mahke dea!

Start 23:4

“You guys know I not from dis place, but now I live wit you guys. Try let me get one land ova hea fo put my mahke wife inside an bury her dea.”

2 Tessalonika 3:10

No foget wen we stay wit you guys, we wen tell you dis ova an ova: “No work, no eat!”

Songs 103:14

Cuz Da One In Charge, he know How he wen make us guys. He no foget dat us ony dus.

1 Tessalonika 2:9

Eh, my braddahs an sistahs, you guys no foget how hard we wen work, dat time, aah? We wen work day time an nite time, fo us neva need live off nobody, not even one a you guys. Same time, we wen tell you guys da Good Kine Stuff From God.

Teacha 5:15

Erybody come outa dea muddah naked. An afta dey mahke, dey naked one mo time. Dey no take notting from wat dey wen make.

Teacha 1:13

I make up my mind fo study, an fo try see if da stuff work dat da peopo dat know wat fo do erytime tell. I do dis cuz I like figga out eryting peopo do unda da sky. God give erybody one real hard job fo do, az why!

Smart Guys 21:16

Somebody go da wrong way cuz dey no tink firs, Dey goin come one a da mahke peopo.

Songs 22:29

Fo shua, da peopo all ova da world dat get plenny stuff, I like dey go down in front Da One In Charge Fo show him love an respeck. I like all da peopo go down on top dea knees in front Da One In Charge An all da ones dat goin go down inside dea grave, Cuz dey no can make shua dey goin stay alive.

Job 21:26

Still yet, dose two kine guys lay nex to each odda inside da dirt, An get worms all ova dem.

Job 19:26

An even afta my skin stay all wipe out Wile I still stay alive I goin see God.

Job 1:21

He tell, “Wen I come outa my muddah belly, I stay naked, no mo notting! Wen I leave dis world, I no goin get notting! Da One In Charge give, An Da One In Charge take away. I goin talk good bout Da One In Charge Cuz I know wat kine god him!”

1 Corint 15:47

Da firs guy Adam wen come from da groun. God wen make him from da dus. Da odda guy Christ, he wen come from da sky.

Hebrews 9:27

Garans erybody ony mahke one time, an afta dat, dey gotta go in front God da Judge.

Start 3:18

Wen you plant seed, da land goin grow weeds an thorns fo you too. Still yet, you goin eat da kine food dat grow inside da fields.

Job 4:19

Den even mo he goin poin finga Da peopo dat live inside dese bodies! Dea bodies jalike one house dey make from clay Dat get foundation on top da dirt. Can smash dem mo easy den smash one moth!

Songs 104:23

Da peopo, dey go out Fo do dea work Till pau hana time.

Songs 127:2

Ony wase time Wen you guys wake up real early An pau hana real late Fo bus ass fo get food. Cuz you know, God take kea Da peopo he get love an aloha fo, Even wen dey stay sleeping.

Start 5:5

Adam live 930 year, den he mahke.

Job 10:9

No foget dat you wen make me Jalike I da clay fo make one pot. Now you goin change me Fo come dirt one mo time, o wat?!