Biblia Todo Logo
Bib sou entènèt

- Piblisite -




Start 28:20 - Hawaii Pidgin Bible

20 Den Jacob make one strong promise. He tell, “God, if you stay wit me, an take kea me dis trip I stay make, an give me food fo eat an clotheses fo wear,

Gade chapit la Kopi




Start 28:20
29 Referans Kwoze  

If we get food an clotheses, az enuff fo us, an we still yet stay good inside.


Da time I, yoa worka guy, wen live Geshur town, Aram side, I wen make dis strong promise: ‘Da One In Charge, if you take me back fo live Jerusalem side, I goin go down in front you an show you respeck Hebron side.’ ”


John talk lidat cuz dat Guy like do real plenny good kine stuff, an he do um fo all us guys erytime.


I goin come yoa Temple Wit animals fo make Burn up kine sacrifice. Eryting I wen promise fo do fo you, I goin do um.


Me, I da same God you wen see Bethel side. Dass da place wea you put up da big rock jalike one pos, an wen pour olive oil on top fo show love an respeck fo me. You wen make one strong kine promise ova dea fo do someting spesho fo me. So now, go way from dis land, an go back yoa ohana land.’ ”


Paul stay Corint long time. Den he go way from da braddahs an sistahs ova dea an go ride boat Syria side. Priscilla an Aquila go wit him. Befo Paul ride boat, he get his hair cut off inside Kenkrea town, cuz he wen make one strong promise fo do someting, an now he pau do wat he wen promise fo do.


David make one strong promise To Da One In Charge, One promise to da Strong God Dat Jacob wen pray to.


I make one strong promise awready, An now I tell dis one mo time, Dat I goin do Wat I wen promise fo do. I goin do da tings dat you tell Stay right, cuz you da judge.


In front a all God peopo, I goin go do eryting I wen promise Da One In Charge fo do,


In front a all God peopo, I goin do eryting I wen promise Da One In Charge fo do!


Do da tings fo yoa God, Da One In Charge, Dat you guys wen make One promise to him fo do. All da nations dat stay aroun Jerusalem, Bring presents fo da One Dey gotta respeck.


Az how I goin sing foeva, Cuz I know wat kine god you. Ery day I goin do all da tings I wen make one promise fo do.


You, you my God. An befo time, Weneva I make one promise to you, You wen lissen. You wen give me da kine tings you get Fo da peopo Dat get choke respeck fo you, Cuz dey know who you.


God, I wen make plenny promise to you, An now, I goin do Wat I wen promise fo do. I goin make sacrifices Fo tell you “Mahalo!”


Da One In Charge goin let da Egypt peopo know who him. Wen dat happen, dey goin come tight wit him. Dey goin pray to him an bring animal sacrifices an wheat an barley sacrifices to him. Dey goin make strong promises to him, an dey goin do wat dey wen promise fo do.


Eh God! You da One I like tell erybody bout! Wen choke plenny peopo come togedda, I goin tell good tings bout you. I goin make all da sacrifices I wen promise fo make An I goin do um in front da peopo Dat feel jalike dey sked wen dey wit you.


Dat same day, da Israel army guys get even mo presha, cuz Saul make dem make one strong promise to him. He tell, “I goin put one kahuna on top anybody dat go eat food today! Cuz firs, I gotta pay back da buggahs dat stay agains me befo da sun go down! Afta dat, den you can eat.” Az why nobody eat notting dat day cuz was kapu.


So now, I goin hanai him to Da One In Charge, jalike I wen make one promise fo do. As long as he live, aah? he goin be fo Da One In Charge.” Den Hannah an Elkanah, dey show love an respeck fo Da One In Charge ova dea.


Hannah make one strong promise to God. She tell, “Eh, you Da One In Charge, Da God Ova All Da Armies, You awesome! An I yoa slave! You know how plenny I stay suffa. So I like fo you no foget me! Take kea me! You my boss, az why. If you give me one boy bebe, I make dis promise: I goin hanai him ony fo you. An jus fo show dat he goin be yoa boy foeva, Nobody goin shave his head, eva!”


So you know wat? I stay wit you. I goin take kea you, ery place you goin go. Bumbye I goin bring you back hea, dis land. I no goin leave you behind. I make dis promise: I goin do eryting dat I tell you I goin do.”


We goin go Bethel side now. I goin make one altar ova dea fo God. He da God dat lissen me, dat time I presha out. Ery place I stay go, dat God stay wit me.”


One time, Jabez go pray to da God fo da Israel peopo. Dis wat he tell: “Eh God, I like you make um fo me do fo real kine Wat you wen make me fo do! I like you make plenny room fo me, An use yoa powa fo help me, An take kea me so notting bad happen, So den I no need hurt!” An God, he make tings happen jalike Jabez wen tell him fo do.


Swiv nou:

Piblisite


Piblisite