Start 28:16 - Hawaii Pidgin Bible

¹⁶ Den Jacob wake up. He tell, “Fo real, Da One In Charge stay dis place! An me, I neva know!”

Start 28:16 Referans Kwoze

Joshua 5:15

Da guy in charge a da army guys fo Da One In Charge tell him, “Take off yoa slippas. Da place wea you stay stan, dass spesho fo Da One In Charge.” So Joshua do um.

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Outa Egypt 3:5

Da One In Charge tell, “Stay right dea! No come nea. Take off yoa slippas. Cuz da place you stay standing, dass spesho fo me!”

Job 33:14

Cuz fo real, God talk— He can tell someting one way, an den anodda way, No matta peopo donno az God stay talking to dem.

Job 9:11

Wen he go nea me, I no can see him. Wen he pass me, I donno he dea.

Isaiah 8:13

Me, I da one you guys gotta tink bout, Cuz me Da One In Charge, da God Ova All Da Armies, An I stay good an spesho. You gotta come sked a me. I da one, wen you tink bout me, You goin come sked an shake!

Songs 68:35

God, you awesome an unreal Wen you stay inside da place Dass spesho fo you! Da God fo us Israel peopo, He give powa to his peopo, An make us strong! I like erybody tell Da good tings God wen do!

Outa Egypt 3:4

Da One In Charge see dat Moses go way from da trail fo go look. God call Moses from inside da bush, “Hui! Moses! Moses!” Moses tell, “Yeah! Dass me!”

Joshua 5:13

One time wen Joshua stay nea Jericho town, he look up an see one guy stay standing in front him. Da guy get one sword inside his hand. Joshua go by him an tell, “Eh! You stay wit us guys, o wit da guys dat stay agains us?”

1 Kings 3:15

Den King Solomon wake up, an he know was God wen talk to him inside da dream. He go back Jerusalem side, an stan in front da Box Fo No Foget Da Deal Wit Da Boss. He make one sacrifice dat you burn up, an da kine sacrifice fo tell God dat eryting stay good. He make one party fo all da peopo dat work fo him.

Songs 139:7

Eh, no way I can go some place Wea yoa Spirit no stay! No mo one place fo me run away to, An you no stay dea too!

Jeremiah 31:26

Den I wake up an look aroun. An cuz I wen sleep good, I feel good.

Census 12:6

He tell, “Lissen wat I tell! ‘If get one a you guys Dat talk to yoa peopo fo me, Da One In Charge, Da way I make dat guy know az me, I make him see someting. I talk to him in his dreams.