Start 27:42 - Hawaii Pidgin Bible

⁴² Somebody wen hear wat Esau was goin do, an tell Rebecca. She sen somebody fo tell her younga boy Jacob fo come. She tell um, “Dis how yoa braddah Esau tink he goin take away da sore he goin get inside wen his faddah mahke—he figga, ‘Bumbye I kill Jacob!’

Start 27:42 Referans Kwoze

Smart Guys 2:14

Wen dey do someting bad, Dey feel all good inside. Wen dey make eryting kapakahi, Same ting dey feel good.

Songs 64:5

Dey make one plan fo do bad tings, An dey make shua dey do um. Dey talk story plenny bout how Dey goin put up dea traps. Dey tell, “Nobody goin see us!”

1 Samuel 30:5

Da Amalek guys take away David two wifes too, Ahinoam from Jezreel, an Abigail, da widow from Nabal da Carmel guy.

Start 27:41

From dat time, Esau stay huhu wit Jacob, cuz dea faddah wen tell Jacob an not him all da good tings dat he like Da One In Charge do fo his boy Jacob bumbye. Esau tink, “Bumbye my faddah guy mahke, an afta da funeral time, den I goin kill my braddah Jacob!”

Start 27:43

So now, my boy, lissen wat I tell you: Dig out right now an run away Haran side by my braddah Laban.

Start 32:3

Den Jacob sen messenja guys fo go by his braddah Esau, Edom side, Seir land, befo Jacob get dea.

Start 32:11

“Now I stay aks fo yoa kokua fo get me outa trouble from my braddah Esau. Cuz I stay sked a him, you know. No good he come hea an bus me up, me an da wahines an dea kids, erybody.