Start 27:24 - Hawaii Pidgin Bible

²⁴ Da faddah tell, “Fo real, you my boy Esau?” Jacob tell um, “Fo real, dass me.”

Start 27:24 Referans Kwoze

Colosse 3:9

No bulai each odda. Az cuz you guys wen throw out da ol kine way an no do da bad kine stuff no mo dat you guys wen do befo time.

Efesus 4:25

Kay den. No bulai nobody no moa. All you guys gotta tell each odda da trut cuz all us da same ohana.

Smart Guys 12:22

Da peopo dat bulai erytime dey talk, Dat kine stuff, Da One In Charge tell “Laytas” to. Da kine peopo dat he can trus wat dey do, Dat make him real happy.

Zekariah 8:16

Dese, da kine tings you guys suppose to do: Tell da trut to each odda! You judge guys, gotta tell da trut, an judge peopo da bestes way!

Smart Guys 30:8

Firs, no let me do wase time kine stuff O bulai odda peopo. Nex, no let me come pooa so I no mo notting, An no give me mo stuff den I need. Jus make me feel good wit enuff food an tings fo wat I need.

Smart Guys 12:19

Wen you tell da trut, Erybody goin know az right, No matta how long time afta. But wen you bulai, Short time awready, dey know az wrong.

Job 15:5

Cuz da bad kine stuff you do, Az why you talk lidat, Da way sneaky kine peopo talk.

1 Samuel 27:10

Weneva Akish tell David, “Wea you guys wen go dis time fo rip off stuff?” David tell um, “Da south part a da boonies Judah side,” o “Da south part a da boonies wea da Jerahmeel peopo live,” o “Da south part a da boonies wea da Ken peopo live.”

1 Samuel 21:13

So den he ack jalike he pupule weneva dey see him. All da time he stay dea, he ack pupule kine. He scratch up da doors a da town gate, an let spit run down his beard.

1 Samuel 21:2

David tell Ahimelek, “Da king wen sen me ova hea fo do someting. He tell me, ‘Nobody suppose to find out notting bout wat I stay sen you fo do. Nobody suppose to find out da stuff I wen tell you.’ My army guys, I tell dem awready fo meet me at one place.

2 Samuel 14:5

Da king aks her, “Wat stay bodda you?” She tell, “Fo shua, I one widow. My husban mahke.

Start 27:23

Da faddah neva find out az was Jacob, cuz he get plenny hair on top da hands, jalike his braddah Esau. Dass why az was him dat Isaac wen tell all da good tings dat he like Da One In Charge fo do fo his boy bumbye.

Start 27:25

Isaac tell um, “Kay den. Bring da food ova hea by me, an let me eat some a da wild meat dat you wen bring. Afta, I goin tell all da good tings dat I like Da One In Charge do fo you bumbye.” Jacob give Isaac da food, an Isaac eat um. Jacob bring wine too, an Isaac drink um.

1 Kings 13:18

Da ol guy dat talk fo God tell um, “I one guy dat talk fo God too, jalike you. An one angel messenja guy wen tell me wat Da One In Charge tell. He tell, ‘Bring da guy back wit you yoa house fo eat an drink.’ ” (But da ol guy dat talk fo God, he bulai.)