Start 24:31 - Hawaii Pidgin Bible

³¹ Laban tell um, “Eh mista! Fo shua, Da One In Charge do plenny good kine stuff fo you! Try come oua house! No need stay standing outside hea! Cuz I make oua house ready fo you an da camels.”

Start 24:31 Referans Kwoze

Ruth 3:10

Dat blow Boaz mind. He tell, “Eh Ruth! Da One In Charge, he do plenny good tings fo you! You wen do good too, cuz you stay tight wit yoa mahke husban ohana wen you come hea. An da ting you stay do right now, show mo plenny still yet dat you get respeck fo da ohana, cuz you no stay try fo marry one a da younga guys, no matta dey rich o no mo notting!

Start 26:29

You no goin do notting bad to us. Same ting, jalike us guys neva hurt you. Us guys erytime ony make good to you. We wen let you go way an eryting okay wit you. An now, us guys see dat Da One In Charge do plenny good kine stuff fo you!”

Songs 115:15

Da One In Charge, Da One dat make da sky an da world. I like fo him give you guys da powa Fo do eryting he wen like you fo do Wen he make you.

Local Leadas 17:2

Micah tell his muddah, “Somebody steal twenny-eight poun silva from you. You put kahuna on top whoeva wen take um, an I wen hear bout um from you. Look! I get da silva hea. I da one wen cockaroach um.” Den his muddah tell, “I like fo Da One In Charge do good tings fo you, my boy.”

Smart Guys 18:16

Wen you give one present to importan peopo, Make um easy fo talk to dem layta, An help you come tight wit dem.

Smart Guys 17:8

Wen somebody give money unda da table To one guy dat he tink can help him, Da guy dat give da money tink Da odda guy goin change his mind. An he tink Da money jalike magic, Fo make da odda guy do someting.

Start 18:3

He tell da leada guy, “Eh mista, I jalike yoa slave guy. If you like, try stay hea litto bit. Let me give you someting fo eat befo you hele on.

Start 19:2

an he tell um, “Eh! I like you guys stay my house tonite. Cuz jalike you guys my bosses an I yoa slave guy, aah? Ova dea you guys can wash yoa feets an go sleep. Den early tomorra, you guys can wake up an hele on.” Dey tell um, “Nah, dass okay, us jus goin sleep ova dea wea da streets come togedda inside da gate.”

Start 19:3

But Lot tell um, “No way! You guys gotta stay my house!” So dey go wit him his house. Lot tell his peopo fo make good kine food, an fo make da kine bread dat no mo yeast fo dem. Den dey eat.

Start 29:13

Wen Laban hear dat his sistah boy Jacob stay come, he run fo tell um aloha. Laban hug Jacob, an give um one kiss, an bring um inside da house. Jacob tell Laban eryting dat wen happen,