Start 21:20 - Hawaii Pidgin Bible

²⁰ From dat time, an wen Ishmael come big, God help him plenny. Laytas, he live inside da boonies, an come good fo use da bow an arrow fo hunt.

Start 21:20 Referans Kwoze

Start 28:15

So you know wat? I stay wit you. I goin take kea you, ery place you goin go. Bumbye I goin bring you back hea, dis land. I no goin leave you behind. I make dis promise: I goin do eryting dat I tell you I goin do.”

Start 39:21

Da One In Charge, he stay tight wit Joseph inside dea too, an take kea him. Da One In Charge even make da guy in charge a da jail like Joseph plenny.

Start 16:12

Dat boy goin be one outsida guy, Jalike da wild donkey. Nobody goin tell him wat fo do. He goin like beef erybody, An erybody goin like beef him. Even his ohana guys, He goin be agains dem all erytime.” (Da name Ishmael soun kinda like “God lissen,” Hebrew language.)

Luke 1:80

Da boy John grow up, an his spirit come strong. He live inside da boonies till da day he come out an da Israel peopo see him.

Local Leadas 6:12

Wen da angel messenja guy from Da One In Charge show up by Gideon, da angel tell, “Da One In Charge stay wit you. You one strong fighta guy.”

Start 25:27

Laytas, wen da boys come big, Esau come one real smart hunta guy, an he like stay outside in da boonies. Jacob, he mo quiet kine, an he like live inside da tents.

Start 17:20

“An no worry bout Ishmael. I wen lissen you awready. I promise, I goin do good tings fo him too. I goin make him get choke plenny peopo goin come from him, twelve importan leada guys goin come from him. I goin make his ohana come one importan peopo.

Start 10:9

Nimrod come one good hunta, an Da One In Charge know bout him. Peopo still talk bout one good hunta guy lidis: “Da One In Charge, he know bout dis guy dass jalike Nimrod, one real good hunta.”

Start 27:3

I like you go get da stuff fo hunt, da bag wit da arrows inside, an da bow. Go da boonies an hunt wild meat fo me.

Luke 2:40

Da boy grow an come strong. He come akamai, an God do good tings fo him.