Start 20:9 - Hawaii Pidgin Bible

⁹ Den Abimelek tell Abraham fo come. He tell Abraham, “Wassup? No good, dis ting you do to us! I neva do notting bad to you! But you wen make um fo me do one real bad ting, an now God goin punish me an all my peopo.

Start 20:9 Referans Kwoze

Start 12:18

Den da Pharaoh guy tell Abram fo come by him. He tell um, “Eh! How come you do dis to me? How come you neva tell me she yoa wife?

Start 39:9

Inside dis house, no mo nobody mo importan den me. Ony one ting he hold back from me—dass you cuz you his wife! An you tink I goin do dat to him?! No way I goin go agains God an do dis real bad ting you like do!”

Start 26:10

Abimelek tell, “No good, how you make to us guys! Maybe one a oua guys take yoa wife an sleep wit her, an den God go punish all us guys cuz a wat you wen do!”

Hebrews 13:4

An erybody gotta show plenny respeck fo da guy an wahine dat stay marry. Wen dey sleep togedda, dass good. Az why da husban o da wife betta not fool aroun behind each odda back. Cuz God goin punish da peopo dat fool aroun behind da odda back, an erybody dat fool aroun anybody dey no stay married to.

Titus 1:11

Eh! Gotta stop um fo no talk lidat no moa. Cuz ery house dey go, dey jam up erybody dea wit da kine tings dey teach. Dey teach da kine tings dey not suppose to teach. An dey not even shame fo charge money fo teach lidat.

Rome 2:11

God make same same to erybody.

Smart Guys 28:10

Wen somebody bulai good kine peopo Fo make um go da wrong way, Jalike dey stay dig one hole fo trap da good guys, But dey da ones goin fall inside. But da kine peopo dat do da right ting erytime, God goin give dem good tings Cuz dey his kids.

2 Samuel 13:12

She tell him, “No way, braddah! No shame me! Cuz us Israel peopo not suppose to make lidat! No go do dis ting! Az stupid, an az wrong!

2 Samuel 12:5

Wen David hea dat, he come real huhu agains dat rich guy. He tell Nathan, “Jalike I stay shua Da One In Charge stay alive, I stay shua dat da guy dat make lidat gotta mahke!

Joshua 7:25

Wen dey reach da valley, Joshua tell Akan, “How come you bring dis trouble on top us? Da One In Charge goin bring trouble on top you today!” Den all da Israel peopo throw big stones at Akan fo kill him an all his peopo, an dey burn up all da bodies.

Prieses 20:10

If somebody fool aroun wit anodda guy wife, an dass mean any odda guy wife, you guys gotta kill da guy an da wahine dat fool aroun.

Outa Egypt 32:35

An, az wat Da One In Charge do. Da One In Charge make da real bad sick dat wack da peopo, cuz a wat dey wen do wit da idol god dat look jalike one bebe bull, da one Aaron make.

Outa Egypt 32:21

Moses tell Aaron, “So, wot? Wat dese peopo wen do to you fo make you do dis real bad ting to dem?”

Start 38:24

Three month afta dat somebody tell Judah, “Eh! You know yoa daughtah-in-law, Tamar? She go sleep wit some guy fo money. Now, she hapai.” Judah tell, “Go get her. Gotta burn her up inside da fire!”

Start 20:8

Da nex morning, Abimelek wake up early an tell all da guys dat work fo him fo come by him. He tell um eryting dat wen happen. Dey wen come real sked.

Start 20:10

So! Wat kine guy you tink me, hah? dat you make lidis to me.”

Start 29:25

Morning time come, an Jacob wake up. He see was Leah wit him, not Rachel! Jacob tell Laban, “Wassup?! Wat you wen do to me! I work fo you seven year fo me marry Rachel! How come you trick me lidat?!”