Start 19:30 - Hawaii Pidgin Bible

³⁰ Laytas, Lot an his two daughtahs go way from Zoar to da mountains. He sked fo stay wit da Zoar peopo, az why. Ova dea mauka side, Lot an his two daughtahs live inside one cave.

Start 19:30 Referans Kwoze

Start 19:19

You wen like help me, an I jalike yoa slave guy, an you wen stay tight wit me plenny, an cuz a you I stay alive still yet. But me, no way I can run all da way mauka side fo dis horraz ting catch me an kill me.

Jeremiah 48:34

“Can hear da Heshbon peopo stay yelling fo help All da way to Elealeh town! Can even hear um Jahaz town! Peopo find out bout um south side too, From Zoar to Horonaim an Eglat-Shelishiyah, Cuz even da watta Nimrim side stay all dry up.

Isaiah 15:5

Inside I stay cry fo da Moab peopo. Da peopo from dea run all da way to Zoar town An to Eglat-Shelishiyah. I stay cry cuz dey go up da way fo go to Luhit, An dey still stay cry wen dey stay going. I stay cry cuz on top da road to Horonaim, Da peopo stay yell An tell bout dea place Wea eryting stay broke.

Rules Secon Time 34:3

da Negev country south side, an all da land from da Jericho Valley (az Palm Tree Town), all da way to Zoar town.

Start 49:4

But eh! You not real strong inside, jalike da wave watta! Dass why from now you not goin get da rights dat da firs boy suppose to get! Cuz you wen make sex wit my odda wife, An do one pilau ting on top my bed dat time.

Start 19:17

Afta dey get um outside da town, one a da angel messenja guys tell Lot, “Run away some place wea you no goin mahke! No look behind you! No stay nea da towns. Run away mauka side cuz goin be good ova dea. No good Da One In Charge blow you away too!”

Start 14:22

But Abram tell da king guy fo Sodom, “No way! Right hea an now, I put up my hand fo make one promise to Da One In Charge, da God Dass Mo Importan Den All Da Odda Gods, da One dat wen make da sky an da world.

Start 13:10

Lot check out all da land nea da Jordan Riva. He see dat get plenny watta ditch dat side. Ova dea nea Zoar, look jalike da place wit trees dat Da One In Charge wen plant befo time, an jalike da Egypt land. (Az was befo Da One In Charge wipe out Sodom town an Gomorrah town.)