Start 19:27 - Hawaii Pidgin Bible

²⁷ Dat morning, Abraham wake up early an go to da place wea him an Da One In Charge stan fo talk da day befoa.

Start 19:27 Referans Kwoze

Habakkuk 2:1

I goin go stan on top da place Az my kuleana fo guard. An stay dea on top da Jerusalem town wall. I goin watch dea fo find out Wat Da One In Charge goin tell me, An how I can ansa him, Cuz I wen tell him az not good wat he stay do.

Songs 5:3

Eh! You Da One In Charge! Morning time, Try lissen wat I gotta tell. Ery day morning time, I make one lis a all da tings I like tell you, An I tell you, den I wait.

Hebrews 2:1

Us guys gotta tink plenny bout all da stuff we wen hear fo us no foget um.

Start 19:28

He look down da valley to Sodom town an Gomorrah town an all da land in da valley aroun dea. He see ony da smoke stay coming up from all ova da land, jalike da thick smoke from one place wea dey melt da metal.