Start 19:16 - Hawaii Pidgin Bible

¹⁶ But Lot, he still neva like hurry up. So da two guys grab Lot, an his wife, an da two daughtahs. Dey bring um all outside da town an leave um dea. Dass how Da One In Charge wen show pity fo dem an give um chance.

Start 19:16 Referans Kwoze

2 Peter 2:9

All dis stuff show dat Da One In Charge know how fo get peopo outa trouble wen dey lissen him. Same time, he know how fo make da peopo suffa dat no like do wass right, till dey gotta stan in front God da Judge.

Titus 3:5

God get us outa da bad kine stuff, but he neva do dat jus cuz us wen do good kine stuff. He do um cuz he like give us chance. He give us guys his Good An Spesho Spirit, dat clean us up an make us jalike come new inside. Az jalike us born one mo time.

2 Corint 1:3

We like erybody talk good bout God. He da God an Faddah fo Da One In Charge a us guys, az Jesus Christ. He da Faddah dat pity us an give us plenny chance, an he da God dat erytime give us good kine words.

John 6:44

My Faddah wen sen me hea. No mo nobody can come by me, if my Faddah no bring um. An I goin make dem guys come back alive from mahke wen da world goin come pau.

Luke 18:13

But da guy dat colleck tax money wen stan up far away. He no even like look up to da sky, but he beat on his ches an tell, ‘God, I one guy dat wen do bad kine stuff. Give me chance!’ ”

Sad Song 3:22

Da One In Charge, he stay tight wit us guys foeva! Da tings he do fo show pity fo us guys, goin be lidat foeva!

Isaiah 63:9

Erytime his peopo suffa, he suffa too. He stay right dea wit dem, Jalike he one angel messenja guy Fo get dem outa trouble. He pay da price fo get um outa trouble, Cuz he get love an aloha fo dem An he pity dem. Jalike from long time befo time He stay pick dem up an carry um foeva.

Songs 136:1

All you guys! Tell good tings Bout Da One In Charge, cuz he good, Cuz he stay tight wit his peopo foeva!

Songs 119:60

I ready fo do wat you tell me fo do. An I do um fas!

Songs 118:1

Eh you guys! Tell good tings Bout Da One In Charge Cuz he good! Cuz he stay tight wit his peopo foeva!

Songs 111:4

He make shua nobody foget Da awesome kine tings he do. Da One In Charge, He like do good tings fo peopo An show pity fo dem.

Songs 107:1

Eh you guys! Tell good tings Bout Da One In Charge, cuz he good, An he stay tight wit his peopo foeva!

Songs 106:8

Still yet, God wen get his peopo Outa trouble, Fo erybody know wat kine god him, An how strong he stay.

Songs 106:1

Eh you guys! Tell good tings Bout Da One In Charge! Tell good tings bout Da One In Charge, Cuz he good, An he stay tight wit his peopo all da time!

Songs 103:13

Jalike one faddah guy Show choke plenny aloha fo his kids, Dass how plenny aloha Da One In Charge get Fo da peopo dat get respeck fo him!

Songs 86:15

But you my Boss. An you da kine God dat pity erybody An you erytime like give dem chance. You no come huhu real fas, You erytime stay tight wit yoa peopo, An dey know dey can trus you.

Songs 86:5

You my Boss, an you get one good heart. You stay ready erytime fo let me go Fo da bad tings I wen do, You stay tight wit yoa peopo all da time, Wit da ones dat stay yell Fo you help um.

Songs 34:12

If you like live fo real kine, An like fo good tings happen to you Fo long time,

1 Records 16:34

Tell Da One In Charge, “Mahalo!” Cuz he good! He stay tight wit us guys foeva!

Rules Secon Time 4:31

Cuz yoa God, Da One In Charge, he give chance. He no goin leave you guys, o wipe you out, o foget da deal he wen make wit yoa ancesta guys, cuz he wen make one promise to dem dat fo shua he goin do wat he tell he goin do.

Census 14:18

‘Da One In Charge slow fo get mad. He stay plenny tight wit his peopo. He hemo dea shame fo wen dey do wrong tings an go agains him an do bad tings. Still yet, if God gotta punish somebody, he punish um. An if dea kids do da same ting, he punish dem too, an same ting fo dea grankids, an even dea great-grankids.’ Dass wat you wen tell.

Outa Egypt 34:6

Den Da One In Charge pass by in front Moses. He talk strong an tell: “Da One In Charge! Dass me! I one God dat get pity fo peopo, An I like do good tings fo peopo! I slow fo get mad. I stay tight wit my peopo plenny, An I do wat I tell I goin do erytime.

Rome 9:18

So den, if God like give one guy chance, dass wat he goin do. An if he like make one guy hard head, az wat he goin do too.

Joshua 6:22

Joshua tell da two guys dat wen go dea fo scope out da land befo time, “Go inside wea da hoa live an bring her an her ohana outside, jalike you guys wen make one strong promise to her fo do dat.”

2 Peter 2:7

Same time, had one guy name Lot ova dea dat wen like do da right ting. Wen bodda him plenny how da odda guys wen go buckaloose da way dey neva lissen da Rules From God. Cuz a dat God wen get Lot outa dea.

Start 19:15

Early morning time, wen ony litto bit red da sky, da angel messenja guys try fo make Lot hurry up. Dey tell: “Hele on! Take yoa wife an yoa two daughtahs dat stay hea wit you! No good Da One In Charge blow you away wit da oddas wen he wipe out da town fo da bad tings dey do!”

Outa Egypt 34:7

Wen I make one promise fo stay tight wit one ohana, I stay tight wit even da kids, an dea kids, An all da peopo dat come afta dem fo tousan generation. I let peopo go an hemo dea shame Fo wen dey do da wrong ting an go agains me an do bad tings. Still yet, if somebody need fo me punish dem, I punish dem. An if dea kids do da same ting, I punish dem too, an same ting wit dea grankids, An even dea great-grankids!”

Rules Secon Time 5:15

No foget, you guys was slave guys an work real hard inside Egypt. An me, yoa God, Da One In Charge, I wen bring you guys outa dea wit my powa. Az why me, yoa God, Da One In Charge, stay tell you guys fo show respeck fo da Res Day.

Rules Secon Time 6:21

you goin tell dem, ‘Us guys was slaves fo da Pharaoh guy Egypt side, but Da One In Charge wen bring us outa dea wit his strong powa.

Rules Secon Time 7:8

But he pick you guys cuz he get love an aloha fo you guys. An he keep da strong promise he wen make to yoa ancesta guys, dat he goin use his strong powa fo get you guys outa Egypt. Dass how come he wen use his powa fo get you guys outa dea. He wen do wat he gotta do fo get you outa dea, afta you guys was slaves fo da Pharaoh guy, dea king.

Songs 32:10

Da peopo dat do bad kine stuff, Dey goin suffa plenny. But whoeva stay trus Da One In Charge, God goin do all kine stuff Fo show he stay tight wit dem!

Songs 33:18

But Da One In Charge, he stay watch Da peopo dat get respeck fo him, Da ones dat stay wait, Dey shua Da One In Charge Goin show he stay tight wit dem.

Songs 33:19

Da One In Charge Goin get dem guys outa trouble So dey no mahke. Wen no mo notting fo eat, He goin give dem stuff fo eat Fo make shua dey stay alive.

Start 43:10

Cuz you know, if us no wen wait so long time bout dis, us go Egypt side an come back hea two time awready.”