Start 15:14 - Hawaii Pidgin Bible

¹⁴ But I goin punish da peopo dat make um come slaves, an den yoa peopo goin go outa dat land wit plenny stuffs.

Start 15:14 Referans Kwoze

1 Samuel 12:8

“Afta Jacob go Egypt side, yoa ancesta guys wen call Da One In Charge fo help dem. He sen Moses an Aaron, an dey bring da peopo outa Egypt, an let dem live inside dis land.

Songs 135:14

Cuz you Da One In Charge, You da Judge! An you goin make shua erybody know, Dat yoa peopo do wass right. You goin show pity Fo da peopo dat work fo you.

Joshua 24:17

Oua God Da One In Charge, he da One wen bring us guys an oua ancesta guys outa Egypt wea us was slaves. He do awesome stuff in front us. He take kea us wea eva us guys go. He take kea us guys wit all da peopos we wen pass thru dea land.

Rules Secon Time 6:22

We wen see Da One In Charge do all awesome kine signs, good kine an bad kine, to da Egypt peopo an da Pharaoh guy an his ohana.

Rules Secon Time 4:20

But fo you guys, Da One In Charge wen take you guys outa Egypt, wea you guys work plenny, jalike you guys stay inside one real hot fire dat can melt iron. He get you guys outa dea fo come his peopo, his kids, an az wat you guys stay now.

Songs 135:9

Da One In Charge wen do Awesome kine tings Fo show who him. He wen make miracles In da middo a da Egypt peopo, In front a da Pharaoh guy, An all da peopo dat work fo him.

Songs 51:4

Was ony you dat I wen do da bad ting to. Da way you see me, Was no right, da ting I wen do. Eh God, you stay perfeck, An you do da right ting Wen you tell you gotta punish me.

Outa Egypt 3:10

Now, go! I goin sen you by da Pharaoh guy. You da guy goin take my Israel peopo outa Egypt!”

Songs 105:42

Cuz God no foget da promise He wen make to Abraham, An cuz God stay good an spesho, An he da boss fo Abraham.

Start 48:21

Den Israel tell Joseph, “I goin mahke pretty quick now. But God goin stay wit you guys. He goin bring you guys back to da land wea yoa ancesta guys wen live.

Start 50:24

Laytas, Joseph tell his braddah guys, “Pretty soon now, I goin mahke. But God, he goin take kea you guys. He goin bring you guys outa dis land, to da odda land, da one dat he wen make one promise fo give to Abraham, Isaac, an Jacob.”

Outa Egypt 12:29

Da middo a da nite, Da One In Charge start fo kill all da numba one boys all ova da Egypt land. Da Pharaoh guy dat sit down on top da throne, his numba one boy mahke too. Da guy dat da army guys wen catch, dat stay inside one big hole in da groun inside da prison, da numba one boy mahke, same ting. Da animals, same ting, da numba one boy kine animals all mahke.

Jesus Guys 7:7

I goin punish da peopo dat make dem slaves. An laytas, yoa ohana guys goin go way from ova dea, an dey goin pray an show me respeck in dis place.’ Dass wat God tell.