Songs 83:2 - Hawaii Pidgin Bible

² Eh! Da diffren peopos Dat stay agains you, Dey stay amping out An making big noise. Da ones dat hate you, Dey make tantaran fo make Jalike dey goin bus you up.

Songs 83:2 Referans Kwoze

Songs 81:15

If my peopo lissen, Den da ones dat hate me, Da One In Charge, Goin fall down cuz dey sked a me, An I goin punish dem foeva. But my peopo no lissen, Az why all dat no happen!

Matthew 27:24

Den Pilate know he no can make dem change dea minds, cuz da peopo stay bus up da place awready. Az why he take some watta an wash his hands in front da peopo. He tell, “No go poin finga me fo wateva you guys do to dis guy! Dass you guys kuleana!”

Jeremiah 1:19

Dey goin fight you, But dey no goin win ova you. Cuz I stay wit you, An I goin get you outa trouble.” Az da message from Da One In Charge.

Isaiah 17:12

Bummahs! Plenny army guys stay make big noise Jalike da noise wen da rough ocean stay poun. Da armies from da diffren countries stay make noise, Jalike wen da watta stay come down from da mountain An no can stop um.

Local Leadas 8:28

Az how da Israel peopo wen win ova da Midian peopo, an da Midian peopo no mo powa one mo time. Wen Gideon stay alive, da Israel peopo neva fight fo forty year.

Jesus Guys 23:10

Dey make argue even mo plenny, an da main captain figga dey goin broke up Paul. He tell his army guys fo go down, take Paul away from dem, an take him inside da army place.

Jesus Guys 22:22

Da peopo lissen Paul till he tell dat. Den dey start fo yell, “Kill um! Mo betta he no stay no moa!”

Jesus Guys 21:30

All da peopo from Jerusalem stay amping out cuz dey huhu, an dey come running from all ova da place. Dey grab Paul an drag him outa da open lanai fo da Temple. An right den an dea da pries guys shut da Temple gates.

Jesus Guys 17:5

But da odda Jew guys come jealous. So dey get togedda some bad kine guys from da open market place, an dey come one big gang an start one big beef inside da town. Dey rush by da house wea dis guy Jason live fo look fo Paul an Silas fo dem bring um outside by da peopo.

Jesus Guys 16:22

All da peopo come togedda wit dem an stan up agains Paul an Silas. An da govmen guys tell dea guys fo strip Paul an Silas clotheses an whip um.

Isaiah 37:29

Cuz you stay mad agains me, An I hear how big head you get Cuz you tink you mo betta den me, Me, Da One In Charge, goin make you my prisona Fo do wateva I like you fo do, Jalike I put one hook inside yoa nose, An one bit inside yoa mout, jalike you one horse. An I goin make you go back yoa place On top da same road wea you wen come from.’ ”

Isaiah 37:23

“ ‘Who you wen make shame, Sennakerib?! Who you talk bad bout, aah?! You wen go talk strong agains me! You tink you mo betta den me, Da Good An Spesho God fo da Israel peopo!

Songs 93:3

You Da One In Charge! Da ocean make plenny noise! Da ocean stay poun plenny!

Songs 74:23

No foget wat da peopo tell, Da ones dat stay agains you, An da big noise dat come out Mo an mo all da time From da ones dat like win ova you!

Songs 74:4

Da army guys dat go agains you Wen go inside da place Wea you meet wit yoa peopo. Dey wen yell plenny cuz dey win. Dey wen put dea marks all ova da place Fo erybody know dey wen win.

2 Kings 19:28

Cuz wen you come all piss off at me, An I hear you talk like you no give a rip bout notting, I goin put my hook in yoa nose, An put my horse bit inside yoa mout An I goin make you go back Da same way you wen come ova hea!’ ” Dass wat Da One In Charge tell Sennakerib.

Songs 109:1

God, I like tell erybody Dat you da greates! You gotta do someting! No stay quiet!