Songs 82:5 - Hawaii Pidgin Bible

⁵ “Dem odda ‘gods,’ da ones in charge, Dey donno notting! Dey no undastan notting! Any place dey go, bad tings happen Jalike inside one dark place! Eryting dat make da world solid Stay shaking cuz a dem!”

Songs 82:5 Referans Kwoze

Songs 11:3

An us guys dat like do da right ting, We no can do notting, Cuz da law come poho awready! Jalike da bad guys wen bus up Da foundation undaneat oua house!” Dass how you guys talk.

Micah 3:1

Den me Micah tell: “Lissen up, you leada guys dat come from Jacob, You guys dat stay in charge a da Israel ohana. You da guys suppose to know wass right an wass wrong, aah?

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

Smart Guys 2:13

Cuz dose peopo, dey wen go da right way but dey go back, So den dey go da dark roads wea bad tings happen.

1 John 2:11

But whoeva hate dea braddah o sistah, az jalike dey stay inside da dark. Dey walk aroun inside da dark, an dey donno wea dey going, cuz da dark make um come blind.

John 12:35

Jesus tell dem, “Me, I jalike da light fo you guys. Ony short time mo da light goin stay hea wit you guys. Live da right way now wen get light still yet, cuz no good da dark pio da light you get inside you. Whoeva walk aroun inside da dark, dey donno wea dey going.

Smart Guys 1:29

Cuz dey piss off dat get stuff dey gotta learn, Dey not sked Da One In Charge, dey make up dea mind awready.

Songs 14:4

Dem guys dat stay do wass wrong, How come dey neva learn notting? Dey still do wass wrong! Easy fo dem eat up my peopo, Jalike easy fo dem eat bread. An dey no pray to Da One In Charge.

2 Timoty 2:19

But you know wat? Da stuff God stay do stay solid, jalike one building dat get one solid foundation undaneat an no can move, aah? An on top dat foundation, get one sign dat tell two tings. One side tell, “Da One In Charge, he know all his peopo!” An da odda side tell, “Whoevas tell, ‘I stay tight wit Da One In Charge a me,’ Dey betta not do someting dat not pono!”

John 3:19

“God wen sen da light inside da world. Da light show erybody how dey stay inside. But da peopo like stick wit da dark an dey hate da light, cuz dey stay do bad kine stuff. Dass why God goin punish da peopo.

Isaiah 59:9

An dass how come God da Judge no tell Dat us guys stay do da right kine tings, Cuz us no do um. Us guys still stay far From do da right ting erytime. Us like do good tings, But jalike we like find light, but ony stay dark. Jalike we like da bright light come, But still yet, get ony shadow.

Isaiah 5:7

“So, az da story bout dis peopo! Da One In Charge, Da God Ova All Da Armies, His grape field, dass da Israel peopo! An da plantation dat make Da One In Charge feel good inside Wit plenny love an aloha, Dass da peopo from da Judah districk. Da One In Charge wait fo peopo Fo judge da right way, But dey ony stay kill each odda! He wait fo peopo fo do da right ting erytime, But dey ony make each odda yell fo somebody help dem.”

Songs 53:4

Dem guys dat stay do bad kine tings, How come dey neva learn notting? (But fo shua dey know!) Fo dem, easy fo bus up my peopo, Az jalike easy fo eat food. Dey no tink dey need fo yell To Da One In Charge fo help dem.

Teacha 3:16

An I see anodda ting unda da sun. Get judge guys dat tell wat stay right an wat stay wrong, Even dea, get bad kine stuff dat happen! Get peopo dat stay do wass right, Even dea, get bad kine stuff dat happen!

Teacha 2:14

Da guy dat know wat fo do erytime Get eyes dat see stuff. But da stupid guy, jalike he walk in da dark. But I tink dis too: Dat da two a dem goin come out same same!

Smart Guys 4:19

Fo da peopo dat stay do bad kine stuff, Da way dey go, jalike stay real dark yet. Dey donno wat make dem fall down.

Songs 75:3

Wen da world shake An all da ones dat live dea No can stan up, I da One make da foundation Stay strong. (Time out fo da music.)

Job 8:9

Cuz us guys wen born ony yestaday. Us donno notting. Oua time on dis earth pau quick, jalike one shadow.

Songs 99:1

Da One In Charge, he da king! Az why all da peopos Stay sked an shaking! He get his throne Above da awesome angel watcha guys. Az why da groun shake too.