Songs 80:1 - Hawaii Pidgin Bible

¹ You da one dat take kea Us Israel ohana guys Jalike one sheep guy Take kea his sheeps. You da one dat show Da Joseph ohana guys wea fo go, Jalike one sheep guy Show his sheeps wea fo go. So, lissen wat I tell! From da place you stay, Ova da Box Fo No Foget Da Deal, Wea da awesome angel watcha guys Stay on top— Show how strong you!

Songs 80:1 Referans Kwoze

Jesus Show 21:23

Da town no need da sun o da moon fo shine on top um, cuz God stay awesome, an God light shine on top um, an God Bebe Sheep Guy jalike da lamp.

Songs 77:20

You wen show yoa peopo wea fo go Jalike one sheep guy. You wen use Moses an Aaron Fo do all dat.

Songs 50:2

From Mount Zion, Da bestes looking place, Dass da place wea God show How awesome he stay!

Songs 99:1

Da One In Charge, he da king! Az why all da peopos Stay sked an shaking! He get his throne Above da awesome angel watcha guys. Az why da groun shake too.

1 Peter 2:25

You guys was jalike da sheeps dat stay lost, but now you guys come back to God. He make shua he take kea a you guys good kine, jalike da sheep guy take kea his sheeps. An he da main leada guy fo make shua you guys no come pilau inside.

Ezekiel 34:23

I goin give one guy da kuleana fo be ova dem an take kea dem. Az goin be David, da guy dat work fo me. He goin come jalike da sheep guy ova dem.

2 Samuel 6:2

Him an all his guys go out to Baalah town Judah side, fo bring to Jerusalem da Box Fo No Foget Da Deal Wit God. Dat Box stay fo make peopo no foget wat kine god Da One In Charge, Da God Ova All Da Armies. He da One get his throne inside da middo a da two spesho angel watcha guy statues dat stay on top da Box.

1 Samuel 4:4

So da Israel peopo sen guys go Shiloh side, an dey bring back Da Box Fo No Foget Da Deal Wit Da One In Charge, Da God Ova All Da Armies, da one dat get his throne in da middo a da spesho angel watcha guys. An Eli two boys, Hofni an Finehas, wen come wit Da Box.

Hebrews 13:20

God, he da One dat make um so notting bodda us guys. An he da One dat wen bring back from mahke Da One In Charge a us guys, Jesus. Jesus wen bleed an mahke fo us guys, an dass how God wen make one New Deal fo us dat stay foeva. Jesus, he jalike da main sheep guy dat take kea his sheeps.

Ezekiel 10:4

Den da strong light from Da One In Charge go up ova da spesho watcha tings. Da light go from dea, ova da inside part wea da Temple start, by da door fo da Temple. Da Temple all fill up wit cloud inside, an da inside open lanai was shining from da awesome light from wea Da One In Charge stay.

Isaiah 63:11

“Den his peopo tink how was Long time befo time, wit Moses an his peopo. Dey tink, ‘Wea da One Wen take da Israel peopo thru da Red Sea, Da time Moses an his ohana Stay jalike sheep guys Dat take kea da peopo ova dea?! Wea da One dat wen put his Good An Spesho Spirit Right dea wit all da peopo?!

Isaiah 60:1

Da One In Charge tell: “You Jerusalem peopo, Stan up! Shine jalike one light! Cuz now, you get awesome light from me, Da One In Charge. I stay awesome, An I jalike da bright light Dat make you peopo come awesome too, Jalike wen da sun come up an shine light fo you.

Songs 80:7

You da God Ova All Da Armies! Make us come Jalike we was befo time! Smile an show you stay good inside Bout us guys, Fo us guys get outa trouble!

Songs 80:3

Eh God! Make us guys come Jalike we was befo time! Smile an show you stay good inside Bout us guys, Fo us guys get outa trouble!

1 Peter 5:4

Wen Jesus, da Main Sheep Guy, come back, den God goin give you guys one awesome haku lei cuz you do one good job. An yoa haku lei no goin come poho, foeva.

John 10:14

“I jalike one good sheep guy. I know my sheeps, an dey know me,

Daniel 9:17

“But God, I yoa worka guy, an I stay pray to you an aks you fo lissen me. Cuz a who you, Boss, try smile an do good kine stuff fo yoa spesho temple, dat stay all bus up, an fo da peopo wen bag from dea.

Ezekiel 43:2

Den you know wat I wen see? I see da strong light from da awesome God fo da Israel peopo dat come from da east side! His voice soun jalike da big noise from one flash flood. An da land shine from da awesome strong light.

Ezekiel 1:13

Da four tings dat stay alive an go ery place God go look kinda like burning coals, o jalike one torch. Look jalike da fire go from one to da odda. Da fire stay bright, an lightning flash come out from da fire.

Isaiah 40:11

He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.

Songs 94:1

Eh! You Da One In Charge! You da kine God dat get peopo back Fo da way dey jam up eryting! Fo erybody see how you get back Da ones dat tink fo do any kine!

Songs 80:19

Eh! You Da One In Charge! You da God Ova All Da Armies! Make us come Jalike we was befo time! Smile an show you stay good inside Bout us guys, Fo us guys get outa trouble!

Songs 78:67

Dat time, Da One In Charge Neva pick da Joseph ohana, He neva like da peopo Dat come from Efraim.

Songs 78:52

Fo God peopo, he wen tell dem Fo start fo move jalike sheeps, He wen bring um thru da boonies Jalike he one sheep guy.

Songs 69:1

Eh God! Get me outa trouble! Jalike da flood watta Come up to my neck awready!

Songs 60:1

Bummahs, God! You no give a rip fo us, o wat?! You wen dump all us guys! You wen let da odda army guys Smash thru oua line! You wen stay huhu wit us! Now, we like you make us Come okay one mo time!

Songs 55:1

Eh God! Try lissen me wen I pray! No go hide wen I aks you fo help me!

Songs 45:1

Inside me, jalike I come excited Fo tell bout one real good ting. I stay make dis song fo da king, Jalike I one writa guy Dat know how fo tell one story Fo real kine.

Songs 5:1

Eh! You Da One In Charge! Try lissen wat I goin tell. Try tink how come I stay moan.

Job 10:3

You tink az good fo you, dat you put presha on me, o wat?! You like mess me up, da guy you wen work hard fo make, o wat?! An same time, how come you tink az good, all da plans da bad guys make?!

2 Kings 19:15

Hezekiah pray lidis in front Da One In Charge: “Eh! You Da One In Charge! You da God fo da Israel peopo. You stay in da middo a da awesome angel watcha guys. You da ony God ova all da king guys on top da earth. You da One wen make da sky an da earth.

Rules Secon Time 33:2

Moses tell, “Da One In Charge come from Mount Sinai. He come fo dem Jalike wen da sun come up from Mount Seir. He shine from Mount Paran. He come wit plenny angel messenja guys Dat stay spesho fo him, From da south, from da sides a da mountain.

Songs 50:1

Da God Wit All Da Powa, Da One In Charge, he tell dis. He tell da peopo From all ova da world Fo come by him, From da place wea da sun come up, To da place wea da sun go down.