Songs 8:3 - Hawaii Pidgin Bible

³ Yoa sky, weneva I tink bout um An see da tings up dea dat you wen make wit yoa hands, Da moon an da stars dat you wen put dea,

Songs 8:3 Referans Kwoze

Start 1:1

Da time wen eryting wen start, God make da sky an da world.

Songs 33:6

Da One In Charge, He jus tell da sky fo come, An da sky come. He ony need fo talk Fo make all da stars up dea come.

Songs 111:2

Real importan, all da tings Da One In Charge stay do. Da peopo dat stay good inside Cuz a da tings Da One In Charge do, Good dey try fo undastan Wat he stay do.

Songs 104:19

You wen make da moon Fo show wen da month start. Da sun know wen da time fo go down.

Songs 89:11

Da sky, yoas. An da earth yoas too. Eryting dat get inside da world— Was you wen put um dea.

Rome 1:20

Dat mean, from befo time wen God make da world, anybody dat try fo undastan da stuffs God wen make, dey can figga how God stay, no matta dey no can see him. You know, God get dis unreal powa dat goin stay lidat foevas. Az why he stay God fo shua. An erybody can undastan all dat. Az why dey no mo excuse fo how dey ack.

Luke 11:20

But if I make da bad kine spirits no bodda da peopo no moa cuz I get powa from God, dat show dat God stay da king, an he stay hea now by you guys, an you guys neva know.

Outa Egypt 8:19

Da Egypt pries guys, dey tell Pharaoh, “Eh! Dass God stay do all dis!” But da Pharaoh guy, he still yet stay hard head an no lissen Moses an Aaron, jalike Da One In Charge wen tell befo time.

Job 22:12

“God stay da mos high place inside da sky. He look down at da mos high stars!

Rules Secon Time 4:19

An wen you guys look up inside da sky an see da sun, da moon, an da stars—all da tings dat get inside da sky—no tink you gotta go down pray to dem an do stuff fo dem, notting. Yoa God, Da One In Charge, wen make all dose tings! He give um to all da peopos inside da world.

Outa Egypt 31:18

Wen Da One In Charge tell Moses eryting he gotta do, ova dea on top Mount Sinai, he give Moses da two flat stone. Was ony God dat write da Deal on top da stone wit his finga.

Songs 148:3

Jalike peopo tell good tings Bout Da One In Charge, Az good fo da sun an da moon Do da same ting too! An same ting fo all da stars dat shine!

Songs 19:1

Look da sky fo learn how awesome God stay! Was God hand wen make all dat! An eryting you see in da sky an da air aroun us, Show how awesome wateva he make!

Job 25:5

Even da moon look jalike no shine, in front God. An da stars not clean da way he see um.

Job 25:3

Can count how much army guys God get?! No can! Get anybody his light no reach?! Not even!

Job 36:24

No foget fo talk good bout wat God do, Jalike da peopo dat sing bout how good him.