Songs 73:5 - Hawaii Pidgin Bible

⁵ Odda peopo, dey get plenny problem, But not da bad guys. Dey no suffa jalike all da odda peopo.

Songs 73:5 Referans Kwoze

Songs 73:12

Dass how da peopo Dat do bad kine stuff stay. No mo notting bodda dem any time. Dey stay make Mo an mo plenny money.

Job 21:9

Dea houses stay safe, an dey no need stay sked. God no punish dem.

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.

Hebrews 12:8

Erybody get dat kine presha from dea faddah. If yoa faddah no put presha on you fo make you guys learn stuff, dat mean you not his kids fo real kine an no mo nobody one faddah to you guys.

1 Corint 11:32

Wen Da One In Charge punish us guys, you know, he do dat fo teach us guys da right way. He no like fo us get punish an come wipe out wit all da peopo inside da world bumbye.

Job 21:6

Wen I tink bout wat stay happen, Bodda me plenny! I stay shake all ova.

Job 21:30

Dey can tell you guys, dat wen get big trouble, Da bad kine peopo no suffa. Wen God come huhu, dey outa dea awready!