Songs 7:8 - Hawaii Pidgin Bible

⁸ Eh! Da One In Charge, you da judge fo all da diffren peopos Kay den, Da One In Charge, show dat I stay right wit you, Cuz nobody can poin finga me. You, da Mos Importan One!

Songs 7:8 Referans Kwoze

Songs 96:13

In front Da One In Charge, Cuz he stay come hea! He stay come fo be Da Judge fo da whole world. He goin judge erybody in da world Da right way. He goin show da peopos Wass da trut fo real kine Fo dem trus him.

Songs 43:1

Eh God! You da judge Fo show erybody dat I okay. I need fo you show proof Dat I neva do notting bad. Cuz da whole nation, Dey no stay tight wit you! I need fo you rescue me Away one place Wea dey no can hurt me. Away from da ones dat stay bulai An do bad tings to me.

Songs 98:9

Cuz all dem stay In front Da One In Charge! Fo shua he stay coming fo be da judge Fo erybody inside da world. He goin judge da world da right way, An he no goin make Diffren kine to diffren peopos!

1 Tessalonika 2:10

You guys know da way we wen ack dat time. An God, he know too. We wen stay good an spesho fo God, an we do da right ting, an we wen make shua we neva do notting bad fo nobody poin finga us. We make lidat fo help you guys dat trus God.

2 Corint 1:12

Dis how come we talk big. Fo shua us guys know we do wat God like us fo do. Us do um jus cuz we like do um, fo erybody see dat God make us guys do wass fo real. Us no do um wit da kine smarts da peopo get, but wit da kine smarts dat God give us cuz he get one good heart. Az how us wen live in dis world, an even mo plenny how us guys wen make fo help you guys.

Songs 78:72

Dass why David Take kea God peopo, Wit one good heart, So no can poin finga him notting. David wen know how Fo show God peopo Wea fo go an wat fo do.

Songs 26:1

Eh! You Da One In Charge! You da judge, So tell erybody I neva do notting bad! Cuz da way I live, I do eryting how I suppose to do. I stay trus you, Da One In Charge, An I no change my mind.

Songs 41:12

You hold me up so I no fall down Cuz I stay all pono inside. Az why you goin let me stan In front you foeva.

Songs 26:11

But me, da way I live, I do eryting how I suppose to do. Az why, get me outa trouble An do good tings fo me.

Songs 25:21

Eh God! Watch ova me, So dat notting bad happen to me! Cuz I no bulai, an I do wass right! I stay wait fo you Fo do someting good.

Songs 11:4

But Da One In Charge, he stay inside da Temple dat stay spesho fo him. From da sky, Da One In Charge stay in charge a eryting. He watch wat erybody do. He check out all da peopo on top da earth.

Songs 9:8

He da Judge dat erytime do wass right Wit da diffren peopos all ova da world. He make shua da right ting happen Fo da diffren peopos.

2 Records 20:12

You oua God, so try punish dem! Cuz us no mo powa fo go agains dis big army dat stay come fo attack us guys. Us guys, we donno wat we gotta do, but we trus you fo help us!”

Start 31:53

I like da God fo yoa granfaddah Abraham an fo my granfaddah Nahor be da judge, if I stay right o if you stay right.” So Jacob make one strong promise fo stick wit da deal, an he tell God, da One dat wen make his faddah Isaac stay sked an shaking cuz he real awesome, fo make shua Jacob do eryting right.

Start 18:25

No can be dat you goin wipe um all out, da way you wen tell! If you kill da peopo dat do da right ting, same time you kill da bad peopo, den dat mean you tink dey not diffren, da peopo dat do da right ting an da bad peopo! No can be! You da Judge fo all da peopo inside da world. So den, you gotta make diffren kine to da good peopo an to da bad peopo!”

Jesus Guys 17:31

He set up one day wen he goin judge erybody inside da world. He goin sen one guy fo judge um da right way. He show dat dis stay true cuz he bring dat guy back alive from mahke.”

Smart Guys 19:1

Mo betta you no mo notting, An peopo trus you, Den if you donno notting an easy fo you bulai peopo, An talk real pilau kine stuff.

Songs 82:1

God, he sit on top his throne An all da odda “gods” Come togedda by him Cuz he da One dat judge all dem. He tell: