Songs 69:3 - Hawaii Pidgin Bible

³ I yell to you real plenny fo you help me. Az why I stay tired! Az why my throat feel jalike stay burn, An my eyes come weak. You my God, I stay wait Fo you fo do someting.

Songs 69:3 Referans Kwoze

Songs 6:6

I stay tired cuz I stay moan all da time. Ery nite, I cry till da bed all wet. My pillow wet cuz I stay crying.

Isaiah 38:14

I make noise jalike da swallow bird o da heron bird. An make sad kine noise jalike one dove. I try fo look up to you in da sky, But my eyes too tired, I can ony look down. I get plenny presha! Help fo take kea me, my Boss!

Songs 119:123

You wen promise fo do Da right ting fo me, But I real tired fo wait Fo you get me outa trouble.

Songs 119:82

Jalike my eyes no can see good Cuz I stay wait long time Fo see you do da ting You wen tell you goin do. So! Wen you goin do someting Fo me no need worry?

Rules Secon Time 28:32

You goin see da guys dat stay agains you give yoa boys an yoa girls to anodda peopo fo come slaves, an you goin come tired ery day cuz you goin look fo dem come back, but you no can do notting.

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.

John 19:28

Afta dat, Jesus know dat he awready do eryting he suppose to do. Den fo make happen eryting da Bible tell befo time, he tell, “I thirsty!”

Sad Song 2:11

I cry till my eyes no can see notting. I suffa inside my gut. Jalike my heart pour out on top da groun. Cuz my Jerusalem peopo come wipe out awready. Da bebes an da kids pass out On top da streets inside Jerusalem.

Songs 69:21

Fo food, dey give me poison Dat taste bad, Wen I stay thirsty, Dey make me drink vinega.

Songs 39:7

So den, Boss—wat I stay wait fo?! You da one I stay shua goin help me.

Songs 25:21

Eh God! Watch ova me, So dat notting bad happen to me! Cuz I no bulai, an I do wass right! I stay wait fo you Fo do someting good.

Songs 22:15

Befo time, strong, me. But now I all weak, Jalike wen da mud dry up from da sun. My tongue stay real dry, az why I no can move um. You wen throw me down on top da dirt fo me mahke dea!

Songs 22:2

Eh my God! Ery day I stay yell to you fo help me, But you no do notting fo help! Ery nite same ting, Dass why I no shut up!

Job 16:16

I cry plenny, so my face come all red. I get dark circle aroun my eyes.

Job 11:20

But da peopo dat do bad kine stuff, Dea eyes no goin see wass happening. No way dey goin get outa trouble. Da ony ting dey wait fo, az da las time dey breave.”

Songs 40:3

He wen put inside my mout One song I neva sing befo, One song dat tell How awesome oua God stay. Goin get plenny peopo Dat goin see wat he wen do. Dey goin come all sked cuz a dat, An den, dey goin trus Da One In Charge!

Songs 88:7

You plenny huhu, jalike you smash me, An all yoa big waves poun me down. (Time out fo da music.)