Songs 67:1 - Hawaii Pidgin Bible

¹ Eh God! I like fo you ack Real good to us guys, An do good tings fo us guys, An smile an show You stay good inside cuz a us. (Time out fo da music.)

Songs 67:1 Referans Kwoze

Songs 4:6

Get plenny peopo dat tell, “Eh, us guys like see good kine stuff happen to us guys!” Eh! You Da One In Charge! Smile nice kine to us guys Fo us know you like us!

2 Corint 4:6

God wen tell, “From da dark place, I like da light fo shine,” an he make his light shine inside us guys! Wen we look at Christ face, az jalike God give us da light fo undastan how awesome God stay.

Songs 4:1

Eh God! You da one dat tell, I no mo da blame fo wat I wen do! Wen I yell fo you help me, Lissen an do someting! Wen I presha out, Do good fo me an take away da presha! Show me how you give me chance, An lissen wen I pray!

Songs 119:135

Try look at me an smile Cuz I yoa worka guy, An teach me how fo do Da tings you tell I gotta do.

Songs 31:16

Smile at me, Da guy dat stay work fo you. Get me outa trouble Cuz you stay tight wit me.

Songs 80:19

Eh! You Da One In Charge! You da God Ova All Da Armies! Make us come Jalike we was befo time! Smile an show you stay good inside Bout us guys, Fo us guys get outa trouble!

Songs 80:7

You da God Ova All Da Armies! Make us come Jalike we was befo time! Smile an show you stay good inside Bout us guys, Fo us guys get outa trouble!

Efesus 1:3

Good erytime fo tell how good God stay! He da God an da Faddah fo Da One In Charge a us guys, dass Jesus Christ. God erytime do good kine stuff fo us guys, cuz he put all kine good stuff inside us, an all dat come strait from wea God stay inside da sky. He put all dat inside us guys cuz us stay tight wit Christ.

2 Corint 13:14

I like Da One In Charge, Jesus Christ, do plenny good tings fo you guys. I like God show you guys his love an aloha. An I like da Good An Spesho Spirit come tight wit all you guys.

Songs 28:9

Eh! You Da One In Charge! Get yoa peopo outa trouble An give dem da powa fo do Da tings you wen make um fo do, cuz dey yoa guys. So, take kea dem, an back dem up foeva!

Rules Secon Time 21:8

Eh! Da One In Charge, try take wat we do an let yoa Israel peopo go an let dem stay pono wit you. You wen pay da price fo hemo da blame from dem. Try no poin finga dem cuz somebody wen murda dis guy dat neva do notting wrong.”

Songs 6:1

Eh! You Da One In Charge! No scold me wen you stay huhu! No punish me wen you stay mad!

Songs 76:1

Inside da Judah land, God let peopo know him. Inside da Israel land, Dey know who him, Dat he da greates.