Songs 6:3 - Hawaii Pidgin Bible

³ I all bus up inside, Cuz I sked plenny. Eh! You Da One In Charge! How long goin be lidis?!

Songs 6:3 Referans Kwoze

Songs 90:13

Eh You In Charge! So, how long you goin stay huhu Wit us guys? Try change yoa mind an show pity Fo us guys dat work fo you!

John 12:27

Den Jesus tell, “Right now I feel all funny kine inside. Wat I goin tell? ‘Faddah, no let me mahke!’? No way I goin tell dat! Dass why I wen come hea, fo me mahke.

Luke 18:7

You guys tink God no goin make tings right fo da ones he wen pick, wen dey stay beg him day time an nite time? You tink he goin take long time fo help dem?

Matthew 26:38

He tell um, “Eh, you know, I stay real sad inside, jalike I goin mahke. Try no sleep—stay ova hea wit me.”

Smart Guys 18:14

Yoa spirit make you strong inside Even wen you sick. But if yoa spirit stay all bus up, Den you no can handle notting.

Songs 77:7

But now, I tell: “I donno bout my Boss. Maybe he goin throw me out foeva! O maybe he no goin like me bumbye!

Songs 42:11

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I goin get good tings fo tell Bout him still yet! Him, he da God fo me, An he stay get me outa trouble.”

Songs 42:5

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I still goin get Good tings fo tell bout him! Him, he da God fo me, An he stay get me outa trouble.”

Songs 38:8

I stay real tired an bum out to da max. Cuz I stay sad inside, Dass why I stay moaning.

Songs 22:14

My life, jalike all pau awready, Jalike you dump watta on top da groun. All da bones inside my body, all hamajang. I feel jalike I stay melting inside, Jalike sof wax.

Songs 9:14

So wen I go back Zion Town, I goin tell bout all da awesome tings you do! I goin show dat I stay good inside Cuz you wen get me outa trouble.

Jeremiah 17:14

“Da One In Charge make me come good all ova, Fo me come good fo real kine! Get me outa trouble, Fo me stay outa trouble. Cuz you da One I talk good bout.