Songs 4:5 - Hawaii Pidgin Bible

⁵ Den, go make um right wit God An make da right kine sacrifice fo him. Trus Da One In Charge.

Songs 4:5 Referans Kwoze

Songs 37:3

Trus Da One In Charge an do good tings. Live on top yoa land An take kea da land.

Songs 51:19

Den you goin feel good inside Cuz a da right kine sacrifices Da peopo dea goin make. Dey goin bring bulls by yoa altar Fo make burn up kine sacrifices Fo ony you.

1 Peter 4:19

Wen God peopo suffa, an dey handle um da way he like um fo handle, dey can trus God fo take kea dem. He wen make dem, an he do wat he tell he goin do erytime. An dey still yet goin do good kine stuff, jalike befo time.

Songs 62:8

Eh you peopo! Trus God foeva! Tell him eryting you tink bout! God, he da One Stay hide us guys from trouble. (Time out fo da music.)

Rules Secon Time 33:19

Dey goin call peopo from da odda ohanas Fo come by dea mountain Fo make da good an right kine sacrifices ova dea. Dey goin eat plenny stuff from da ocean, An da rich kine stuff dat stay hide inside da sand.”

Matthew 5:23

“If you bring one gif fo God to da altar inside da temple, an you rememba yoa braddah huhu wit you cuz you wen do someting to him,

Isaiah 61:8

Cuz me, Da One In Charge, Wen peopo judge da right way Dat make me feel good inside! Wen peopo steal stuff cuz dey bad, I no like dat. Dey can trus me fo do wat I tell I goin do. I goin give dem wat dey wen work fo, An make one deal wit dem dat stay foeva.

Malakai 1:8

You make one sacrifice wit da kine animal dat no can see. You tink az okay! You bring animals dat no can walk o dat stay sick, an you tink az right. You know you no can bring dat kine animal fo make one gif fo da govna guy! You figga he goin stay good inside if you do dat?! You figga he goin like lissen you?! No way! But no foget, me Da One In Charge, Da God Ova All Da Armies dat stay tell you dis!

Songs 50:14

You know wat da real kine sacrifice You suppose to make Fo me, yoa God? You gotta tell me ‘Mahalo!’ Fo wat I do, An wateva promise you wen make to me, Do um. Dass da real kine sacrifice.

Isaiah 50:10

If one a you guys feel sked Wen he go in front Da One In Charge, An he lissen wat I tell, Cuz I da guy dat work fo Da One In Charge, Den, wen dat kine guy walk inside one dark kine place Wea no mo light, He goin trus Da One In Charge, Cuz he know wat kine god him, An he goin let his God take kea him.

Songs 26:1

Eh! You Da One In Charge! You da judge, So tell erybody I neva do notting bad! Cuz da way I live, I do eryting how I suppose to do. I stay trus you, Da One In Charge, An I no change my mind.

2 Samuel 15:12

Wen Absalom make one sacrifice, he sen somebody fo go bring Ahitofel. (Ahitofel, he da guy from Giloh dat help David figga wass da bestes ting fo David do.) Absalom tell Ahitofel fo come Hebron side from his town Giloh. An so da plan Absalom make fo ovathrow da govmen come mo strong, an mo an mo peopo stay go his side.

Songs 2:12

Go down in front da king An show respeck. Cuz if you guys no like do dis, Watch out! Cuz if you make him come huhu Even litto bit, Right den an dea, you guys Goin come wipe out, Cuz he come huhu real quick! But all da peopo dat let God Take kea dem, Dey stay good inside.

Songs 77:7

But now, I tell: “I donno bout my Boss. Maybe he goin throw me out foeva! O maybe he no goin like me bumbye!