Songs 3:4 - Hawaii Pidgin Bible

⁴ I wen yell to Da One In Charge Fo help me. He hear me up dea On top da mountain Dat stay spesho fo him, An he help me. (Time out fo da music.)

Songs 3:4 Referans Kwoze

Songs 34:4

I wen try fo come close To Da One In Charge, An he let me. He wen get me outa eryting Dat make me come real sked.

Songs 91:15

Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.

Isaiah 65:24

Befo dey yell fo help, I help um. Wen dey still stay talking, I hear dem awready.

Songs 34:6

Me, I ony one guy dat no mo notting. I wen yell fo somebody help me. Da One In Charge, he wen hear me! He wen get me outa all kine trouble!

James 5:13

Anybody ova dea by you guys get trouble? Good dey pray! Anybody feel good inside? Good dey sing to God!

Matthew 7:7

“Go aks God, an you goin get um. Go look, an you goin find um. Go knock, an God goin open da door fo you.

Songs 43:3

Shine yoa light fo show wass true, Fo me know wea fo go. Dass how I goin go by Zion Hill Dat stay spesho fo you, Cuz dass da place you live.

Songs 2:6

“No matta wat you guys tink, I awready wen give My king guy da powa Fo stay in charge fo me! He da king on top Zion Hill, Jerusalem town, On top da mountain Dass spesho fo me!”

Songs 138:3

Weneva I yell to you fo help me, You help me. You make um so I no come sked Fo do wat I need fo do, Dass how you make me Come strong inside.

Songs 99:9

All you peopo, tell erybody dat oua God, Dass Da One In Charge a us, He da greates! Go down in front him, On top da hill dat stay spesho fo him, Cuz oua God, Da One In Charge a us, He good an spesho!

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Start 15:1

Afta Abram get Lot outa trouble, anodda ting happen. Abram see someting jalike in one dream, but he not sleeping. God, Da One In Charge, tell um dis: “No sked, Abram! I no goin let nobody hurt you. I jalike one shield fo you. I goin be yoa God An pay you plenny bumbye!”

Songs 18:3

Da One In Charge, he good, An az good fo erybody tell dat he good! An wen I yell fo him help me, He da One get me outa trouble From da peopo dat stay agains me!

Songs 27:6

So now, I goin be da winna Ova da guys dat stay agains me, Dat stay all aroun me. Weneva I bring animals to God tent fo make sacrifice, I goin sing cuz I feel good inside, An make music fo Da One In Charge.

Songs 28:7

Da One In Charge, he da One make me strong, An he jalike one shield fo no mo notting hurt me. Inside I trus him. Da One In Charge wen give me powa. He wen help me, an I stay good inside. I like how awesome he stay Dass why I sing dis to him

Songs 62:8

Eh you peopo! Trus God foeva! Tell him eryting you tink bout! God, he da One Stay hide us guys from trouble. (Time out fo da music.)

Songs 84:12

Eh! You Da One In Charge! You da Boss Ova All Da Armies! Erybody dat stay trus you, Dey stay good inside!

Songs 89:19

Eh God! Long time befo time, You wen talk inside one dream, To da peopo dat stay tight wit you. Dis wat you wen tell: “Me, I wen pick one army guy An help him fo come strong. I wen pick one guy from da peopo Fo make him come big.

Songs 119:114

You, you jalike one place I can hide. You jalike one shield fo me. I stay wait fo you do Wat you wen promise fo do.

Smart Guys 2:7

Wen peopo stay do da right ting, God make um fo dem figga how fo get outa trouble, An dass how he take kea dem. Da peopo dat erytime do stuff da right way, He no let notting hurt dem. He jalike one shield An notting can go thru him.

Sad Song 3:56

You wen hear wat I yell, “No make deaf ear! Let me breave some moa, wen I yell to you fo help me!”