Songs 22:4 - Hawaii Pidgin Bible

⁴ You da One dat oua ancesta guys wen trus, An you wen make shua notting bad happen to dem.

Songs 22:4 Referans Kwoze

Outa Egypt 14:31

Wen da Israel peopo see how Da One In Charge use his awesome kine powa fo wipe out da Egypt guys, da peopo come sked an get awesome respeck fo Da One In Charge. Cuz a dat, dey stay trus Da One In Charge an his worka guy Moses.

Start 32:28

Da odda guy tell, “From now, yoa name no goin be Jacob. Yoa name Israel now, cuz you make fight wit God an wit peopo, an you win.” (“Israel,” dat mean “make fight wit God,” dea language.)

Start 15:6

Abram trus Da One In Charge fo do wat he tell he goin do. An Da One In Charge, he tink, “Dis guy get um right wit me cuz he trus me.”

2 Records 5:13

Da guys dat blow da trumpets an da guys dat sing, dey all play an sing togedda jalike one voice, fo tell Da One In Charge “Mahalo plenny!” an tell good stuff bout um. Dey sing togedda wit da trumpets, da cymbals, an da odda tings fo make da music, an dey sing good stuff bout Da One In Charge lidis: “Sing! Cuz Da One In Charge, he good Cuz he stay tight wit us guys foeva.” Right den an dea, Da One In Charge fill his Temple wit one cloud!