Songs 16:3 - Hawaii Pidgin Bible

³ Da peopo inside dis land Dat stay spesho fo God, Dey awesome! Dey make me feel good inside Wen I tink bout um.

Songs 16:3 Referans Kwoze

Hebrews 6:10

God, he erytime do da right ting. Az why he no goin foget how plenny you guys wen work fo him, an how you guys wen show him love an aloha cuz you know who him. An you guys wen kokua God spesho peopo, an still yet you guys stay kokua dem.

Smart Guys 13:20

Hang out wit smart kine guys, You come smart jalike dem. But if you good frenz wit stupid peopo, You goin come jalike dem, an suffa.

Smart Guys 12:26

Da peopo dat do da right ting erytime, Dey check out peopo befo dey come dea fren. But how da bad kine peopo make, Dey no kea fo check out da peopo. Az how come dey all jam up.

2 Records 6:41

“An now, you oua God, Da One In Charge! Stan up! Go come inside dis place fo you res, You an da Box Fo No Foget Da Deal Dat show how strong you stay! An oua God, Da One In Charge, I like fo yoa pries guys Know fo shua you get peopo outa trouble. I like fo da peopo dat stay tight wit you Dance an sing cuz you good!

Jesus Guys 9:13

Ananias tell, “You Da One In Charge! I hear bout dis guy plenny time. He do plenny bad kine stuff to da peopo Jerusalem side dat stay spesho fo you.

Malakai 3:17

Den Da One In Charge, Da God Ova All Da Armies tell: “Wen da time come fo me make dem my spesho peopo, dey goin come mines.

Isaiah 62:4

Nobody goin tell you guys no mo Dat yoa God wen bag from you guys. Nobody goin tell Dat no mo notting inside yoa land, An nobody can live ova dea. But wen dey tink bout you guys, dey goin tell Dat God feel good inside bout you guys. An wen dey tink bout yoa land, dey goin tell Dat God stay come jalike yoa husban, An you jalike his bride.

Smart Guys 8:31

Was like one party, inside God world, Da part wea da peopo stay live, An wat make me feel good inside, Was da peopo.

Songs 119:63

Me, I good frenz wit all da peopo Dat feel jalike dey sked Wen dey in front you, An do jalike you tell um fo do.

Songs 116:15

Wen da peopo mahke Dat stay tight wit Da One In Charge, He goin feel plenny sore inside Cuz a dat.

Songs 101:6

I goin look good fo find out Who fo trus inside dis land, Fo dem live wit me. Da ones dat stay live da way Nobody can talk bad bout dem, Dey goin be my helpa guys.

Songs 30:4

Eh! All you peopo Dat stay tight wit Da One In Charge! Sing to him! Tell dat you know wat kine god him, Cuz you guys no foget Dat Da One In Charge stay good an spesho.

Titus 3:8

You can trus all dis stuff I stay tell you. Da guys dat trus God awready, you gotta tell um strait fo dem lissen an no foget. So den, dey goin tink hard an make shua dey do good tings all da time. Good wen dey make lidat—help erybody.

Efesus 1:1

Dis letta from me, Paul. Jesus Christ, da Spesho Guy God Wen Sen, he sen me all ova fo tell peopo bout him cuz dass wat God like me fo do. Dis letta fo you guys dat stay Efesus side. You guys da peopo dat stay spesho fo God. Peopo trus you guys cuz you stay tight wit Jesus Christ.

Galatia 6:10

So den, erytime us get chance, we gotta do da good kine stuff fo erybody, an even mo fo da peopo dat trus God cuz dey jalike oua ohana.

Love Song 7:10

Da one I love, I stay his. An ony me he like take!

Songs 122:8

Cuz I love my ohana guys an frenz Dat live Jerusalem, I tell, “I like eryting come good Fo all you Jerusalem peopo.”