Songs 148:4 - Hawaii Pidgin Bible

⁴ Jalike da peopo tell good tings Bout Da One In Charge, Az good, fo da mos high parts a da sky Do da same ting too! An same ting fo all da watta Dat stay ova da sky!

Songs 148:4 Referans Kwoze

1 Kings 8:27

“But you know wat, God? How you goin make house Hea on top da earth, aah?! No can! You, mo big den da mos high part a da sky! Fo shua, no way you can live down hea Inside dis Temple dat I wen build!

Start 1:7

An dass wat God do. God make someting fo no let da watta up dea an da watta undaneat come togedda.

Rules Secon Time 10:14

“You know, oua God, dass Da One In Charge a us, own eryting inside da sky, even da mos high place inside da sky! He own da earth an eryting inside um!

Nehemiah 9:6

“You Da One In Charge, you da ony one! You wen make da sky, an even da mos high part a da sky. You wen make da sun an da moon an all da stars, jalike one army. You wen make da world an eryting dat stay live on top. You wen make da ocean an eryting dat stay inside dea. You da one dat wen make all da animals an plants an fish an peopo stay alive, An erybody dat stay inside da sky stay show you love an respeck!”

2 Corint 12:2

I know one guy dat stay tight wit Christ. Fourteen year ago somebody wen bring him up inside da mos high part a da sky. I donno if he wen stay inside his body o outside his body, but God know.

Songs 113:6

But he bend down fo see Wass happening inside da sky An da earth.

Songs 104:3

He build his palace in da sky. He use da clouds fo war wagon An he ride on top da wind, Jalike da wind get wings fo carry him.

Songs 68:33

Lissen to da One dat stay ride Inside da sky From da time he make da world Till now! Get powa, his voice!

Start 7:11

Noah was six hundred year an two month an seventeen day ol, wen dat happen. Dass wen Da watta dat run undaneat da wild ocean bus loose, An da big watta from inside da sky come down, Jalike somebody open up da windows up dea.

Start 1:6

Den God tell, “I like get someting inside da middo fo no let da watta up dea an da watta undaneat come togedda!”

2 Records 2:5

“Da temple I goin build goin be big an importan, cuz oua God stay mo importan den all da odda gods.

Songs 69:35

Cuz da Jerusalem An Mount Zion peopo, God goin get dem outa trouble. He goin build da towns All ova Judah one mo time. Dose peopo goin live dea, An dea towns goin stay dea property.