Songs 148:3 - Hawaii Pidgin Bible

³ Jalike peopo tell good tings Bout Da One In Charge, Az good fo da sun an da moon Do da same ting too! An same ting fo all da stars dat shine!

Songs 148:3 Referans Kwoze

Rules Secon Time 4:19

An wen you guys look up inside da sky an see da sun, da moon, an da stars—all da tings dat get inside da sky—no tink you gotta go down pray to dem an do stuff fo dem, notting. Yoa God, Da One In Charge, wen make all dose tings! He give um to all da peopos inside da world.

Start 8:22

“From now till da world pau, Goin get time fo plant seed an fo harves food. Cold time an hot time, Summa time an winta time, Day time an nite time, Goin stay lidat foeva.”

Jeremiah 33:20

“Dis wat me Da One In Charge tell: You tink can broke da deal I wen make bout da day time an da nite time, fo make da day time an da nite time no follow each odda?! No can!