Songs 146:2 - Hawaii Pidgin Bible

² All da time I stay alive, I goin tell good tings Bout Da One In Charge. Till I mahke, I goin sing songs Bout my God, Fo tell um how good he stay.

Songs 146:2 Referans Kwoze

Songs 63:4

Cuz a dat, I goin tell erybody Dat you do good tings fo me All da time I stay alive. I goin put up my hands Fo show you love an respeck Cuz I know wat kine god you.

Songs 104:33

Me, I goin sing fo Da One In Charge All da time I stay alive! I goin make music fo my God Till I mahke!

Local Leadas 5:3

“Hear dis, you king guys! Lissen, you leada guys! I goin sing fo Da One In Charge. I goin sing! I goin make one mele fo Da One In Charge, Da God fo da Israel peopo.