Songs 142:3 - Hawaii Pidgin Bible

³ Wen I come weak inside, Still yet, you da one dat know Da way fo me go. Cuz wea I walk, Az jalike peopo hide traps dea.

Songs 142:3 Referans Kwoze

Songs 141:9

Da peopo dat do bad kine stuff, Dey make plenny trap fo catch me, So watch ova me, so dey no can trap me. No let da bad guys trap catch me.

Songs 140:5

Get peopo dat ack high makamaka Dat like put trap fo catch me. Dey spread out one rope net fo grab me. Dey put plenny trap Fo catch me by da road. (Time out fo da music.)

Jeremiah 18:22

Wen you bring army guys dea An dey donno dey stay coming, Let peopo hear dem scream fo help from inside dea house! Dey dig one big hole fo catch me An dey hide traps fo catch my feets.

Songs 143:4

Inside, I feel jalike I goin pass out, Inside, I all sked.

Songs 61:2

From da mos far place on top dis earth I yell fo you help me Weneva I feel all bum out An weak inside. Show me wea fo go Fo hide on top one big rock Dat stay mo importan den me,

Songs 102:4

I stay all bus up, Jalike da grass Wen peopo step all ova um, Jalike inside, I stay all hamajang. Da way I feel, I even foget fo eat,

Songs 77:3

I tink bout God, an I moan. I tink plenny bout stuff, An jalike I pass out inside. (Time out fo da music.)

Songs 56:6

Dey meet fo make plan agains me. Dey hide fo make trouble, Cuz dey wait fo one chance fo kill me.

Songs 31:4

Da guys dat stay agains me Set up one trap fo catch me, But no let me go dea, Cuz you da One dat make shua I no get hurt.

Songs 22:14

My life, jalike all pau awready, Jalike you dump watta on top da groun. All da bones inside my body, all hamajang. I feel jalike I stay melting inside, Jalike sof wax.

Songs 1:6

Cuz Da peopo dat stay right Wit Da One In Charge, He know wat dey stay do. But Bummahs fo da peopo Dat broke his Rules!

Job 23:10

But still yet, he know wat way I pick. Wen he tes me, I goin come jalike pure gold.

Matthew 22:15

Den da Pharisee guys start fo talk togedda how dey goin catch Jesus from wat he goin tell um.

Songs 17:3

You look inside me, An you know how I tink. Nite time, you come by me Fo tes me An see if get anyting pilau inside me, So you know no mo notting wrong. I make up my mind fo no tink bad kine tings. No way notting pilau goin come outa my mout,

Songs 62:9

Da peopo dat not importan, Dey jalike da air. Da importan peopo, No can trus wat dey tell you. Wen dey breave, dat air mo heavy Den all dose peopo togedda.

Songs 102:1

Eh! You Da One In Charge! I stay praying to you, So try lissen! I stay yelling fo you help me!

Sad Song 2:19

Wake up! Yell loud nite time, Wen da watcha guys start fo call. Pour out eryting inside you, jalike watta in front da Boss. Lif up yoa hands an pray to him, fo yoa kids no mahke! Dey stay hungry, so dey pass out at ery street corna.