Songs 139:4 - Hawaii Pidgin Bible

⁴ Eh Boss, even befo Someting come outa my mout, Fo real, you know eryting I goin tell!

Songs 139:4 Referans Kwoze

Songs 19:14

Eh! You Da One In Charge! Eryting I tell wit my mout, An eryting I tink, I like fo all dat be wat you like, Cuz you my solid rock, An you da One dat get me outa trouble.

Job 42:3

You tell, ‘Who dis dat jam up wat I tell, Wen I tell peopo wass good fo dem do. Who dis dat talk plenny, but donno notting?’ Dass me! Fo shua I wen talk bout stuff dat I neva undastan. Stuff dass too awesome fo me!

James 1:26

If one guy tink he erytime do wat God like, but no hold back his mout, his religion wase time, cuz he stay fooling ony him!

Jeremiah 29:23

Az cuz dey wen ack stupid an broke da rules from God inside Israel. Dey fool aroun wit odda guys wifes. Dey use my name an tell dey talk fo me, but dey bulai—no was me tell dem fo say wateva dey tell. I know wat dey wen do an I can tell wat I wen see.” Az wat Da One In Charge tell.

Job 8:2

“How long you goin talk lidat? Wat you tell, jalike one storm wind dat jam up eryting.

Job 38:2

“Eh Job! Who you dat jam up wat I tell az good fo do? You talk but you donno wat you stay talking about!

Zefaniah 1:12

Dat time I goin use small olive oil lamps Fo look all ova Jerusalem town, An punish da peopo dat no kea wat God tink. Dey jalike da wine dat jus sit wit da junk kine stuff inside. Dey figga, ‘Da One In Charge no goin do notting to us guys, Good o bad!’