Songs 139:21 - Hawaii Pidgin Bible

²¹ Eh! You Da One In Charge! Da peopo dat hate you, Dey da ones I goin hate too! Da peopo dat go fight you, Dey good fo notting!

Songs 139:21 Referans Kwoze

Songs 119:158

Get peopo dat tell, dey my frenz, But dey ony tell dat fo bulai me, An dey no like do Notting you like teach um. Piss me off plenny, dat!

Songs 31:6

Da peopo dat pray To da idol kine gods dat worth notting, I hate dat kine peopo! But Da One In Charge, I stay trus you.

Jesus Show 2:2

‘I know wat you guys stay do. You guys work hard an stay hang in dea. I know fo shua you guys had it wit odda guys dat do bad kine stuff. You guys check out da odda guys dat tell I wen sen um, but I neva. An you guys find out dat dey bulai.

2 Records 19:2

Jehu (his faddah Hanani, da guy dat can see wass goin happen) go out fo meet da king. He tell da king, “You tink az good you help da guys dat do real bad kine stuff, o wat?! You tink az good, you get love fo da guys dat hate Da One In Charge, o wat?! Cuz you wen do dat, Da One In Charge stay huhu wit you!

Jesus Show 2:6

But you guys stay do one ting right: You guys hate da bad kine stuff da Nicolaitan guys stay do, an me, I hate dat kine stuff too.’

Songs 26:5

Wen da peopo dat do bad kine stuff come togedda, I no like wat dey do! Da peopo dat no stay do wass right, I no hang out with dem!

Luke 19:41

Jesus come nea Jerusalem an look da town, an he cry.

Mark 3:5

Jesus look at all da peopo real good. He stay real huhu. Same time, he feel sad cuz dey hard head. Den he tell da guy, “Stick out yoa hand.” An da guy stick um out, an da hand come good.

Jeremiah 13:17

But if you no lissen wat I tell, I goin go hide an cry, Cuz you guys ack high makamaka. I goin cry real hard wit plenny tears, Cuz da peopo a Da One In Charge all goin come prisonas.

Songs 119:136

I cry real plenny, Jalike get ditch watta Stay come outa my eyes. Cuz get peopo dat no do Wat yoa Rules tell.

Songs 15:4

Dey tink az bad Wen peopo do stuff dat God tell no good. Dey get respeck Fo da peopo dat stay sked a Da One In Charge. Dey stick erytime Wit wat dey wen promise in front God, No matta someting bad happen to dem cuz a dat.