Songs 139:13 - Hawaii Pidgin Bible

¹³ Eh God, you wen make me An eryting inside my body. Wen my muddah come hapai, You wen put togedda all my parts.

Songs 139:13 Referans Kwoze

Jeremiah 1:5

“Eh Jeremiah! Befo time wen I put you togedda inside yoa muddah, I know you awready. Befo you born, I make you spesho fo me. I give you da spesho job Fo come one guy dat talk fo me to all da diffren peopos.”

Songs 119:73

You, da One wen make me! Was you, wen put me togedda. Help me fo undastan Da tings you tell I gotta do.

Isaiah 44:2

Dis one spesho message from Da One In Charge! He da One make you his peopo. He wen shape you inside yoa muddahs. An he goin help you guys. He tell: “Eh, no sked! You Jacob guys, you work fo me. You Israel peopo dat do wass right, I wen pick you.

Job 31:15

Da same God dat wen make me inside my muddah, he make da worka guys too. Da same God make all us peopo inside oua muddahs.

Isaiah 46:3

Lissen to me, you Jacob peopo, An all you Israel peopo Dat still stay on top da land. I wen carry you guys from da start, An wen lif up you guys from da time you wen born.

Songs 71:6

Was you dat take kea me Even befo I born, You da one wen born me Outa my muddah. You da one I tell Good tings bout, foeva.

Songs 95:6

Eh come! We go down In front Da One In Charge, We go down in front da One Dat wen make us guys.

1 Corint 12:17

If all yoa body was one eye, how you goin hear? If all yoa body was one ear, how you goin smell?