Songs 139:12 - Hawaii Pidgin Bible

¹² No matta— Cuz even nite time, No stay dark enuff Fo you no see me. Fo you, da nite time stay light Jalike da day time. Fo you, in da dark o in da light, No make diffrence.

Songs 139:12 Referans Kwoze

Daniel 2:22

He show um secret kine stuff Dass hard fo undastan. He know wat stay inside da dark places, Cuz he da One da light come from.

Job 34:22

Da peopo dat make trouble no can hide In dark places, o unda dark shadows.

Outa Egypt 20:21

Da peopo stay far away from dea. But Moses, he go strait ova dea, nea da dark cloud wea God stay.

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

Job 26:6

God see eryting dat stay inside da Mahke Peopo Place. Da Deep Dark Hole no mo cova fo him.

Outa Egypt 14:20

Da cloud go inside da middo a da Egypt guys an da Israel guys, wit da Egypt army guys camp one side, an da Israel army guys camp da odda side. Da cloud come dark, an no mo da light dat nite fo da guys dat stay one side no go nea da guys dat stay da odda side.