Songs 139:11 - Hawaii Pidgin Bible

¹¹ If I tell, “Fo shua, da dark goin hide me!” O if I tell, “Da nite goin cova up Da light fo me!”

Songs 139:11 Referans Kwoze

Job 12:22

Da tings dat stay hide jalike dey in da dark, God show wat dey mean. He make shua dey know da tings dat nobody know. Dey stay jalike dey inside da deep shadows, But he shine light on top dem.

Jeremiah 23:24

If somebody go hide inside one place nobody know, You tink I no can see um, o wat?! But me, I fill up da sky an da earth!” Az wat Da One In Charge tell.

Songs 94:7

An dey tell, “Da One In Charge, he no see notting! Da God Jacob wen pray to, He no undastan wat stay happen!”

Isaiah 29:15

Bummahs! fo da guys dat tink dey can hide dea plans Inside one deep hole, so Da One In Charge donno bout um. Bummahs! fo da guys dat do dea work in da dark an tink, “Nobody goin see us! Nobody goin know!”

1 Kings 3:20

So she get up, middo a da nite wen I stay sleep. She take away my boy dat stay sleep wit me, an put her mahke boy nex by me. An she start fo breas feed my boy.

Job 34:22

Da peopo dat make trouble no can hide In dark places, o unda dark shadows.