Songs 135:9 - Hawaii Pidgin Bible

⁹ Da One In Charge wen do Awesome kine tings Fo show who him. He wen make miracles In da middo a da Egypt peopo, In front a da Pharaoh guy, An all da peopo dat work fo him.

Songs 135:9 Referans Kwoze

Songs 136:15

He wen wipe out da Pharaoh guy An his army guys inside da Red Sea, Cuz he stay tight wit his peopo foeva!

Rules Secon Time 6:22

We wen see Da One In Charge do all awesome kine signs, good kine an bad kine, to da Egypt peopo an da Pharaoh guy an his ohana.

Jesus Guys 7:36

Moses bring da peopo outa Egypt an show dem awesome stuff wit powa Egypt side, an by da Red Sea, an in da boonies fo forty year.

Nehemiah 9:10

You wen do awesome kine tings fo show who you, Tings dat blow oua mind, Fo hurt Pharaoh an all his helpa guys An all da odda peopo inside his land. Cuz you know, Dey ack jalike dey mo betta den anybody An make any kine to oua ancesta guys. Da awesome tings you wen do dat time, Make you get one awesome name still yet today.

Rules Secon Time 4:34

No mo any odda god eva dat wen take his peopo outa da land wea odda peopo stay! God wen make da Egypt peopo suffa fo tes um. He show how strong him wen he make dem come sick. He do unreal tings, an make war, an show his powa an do plenny real awesome an unreal kine stuff. Dass wat yoa God, Da One In Charge, wen do fo you guys Egypt side, an you guys see um happen!

Songs 78:12

God wen do plenny tings In front dea ancesta guys, Tings dat wen make dea jaw drop, Ova dea Egypt side, aroun Zoan town.