Songs 109:5 - Hawaii Pidgin Bible

⁵ Weneva I do someting good fo dem, Dey pay me back wit someting bad. Weneva I like make frenz wit dem, Dey show dey hate me, An dass how dey pay me back.

Songs 109:5 Referans Kwoze

Smart Guys 17:13

If somebody do someting good fo you, An you do someting bad fo pay um back, Bad kine stuff goin happen to yoa ohana!

Songs 38:20

I do good tings fo dem, An dey do bad tings fo pay me back. Dey agains me, Cuz dey know I like do wass right.

Start 44:4

Afta da braddah guys go litto bit outside da town, Joseph tell da guy dat take kea his house, “Now! Go afta dem guys! Chase um, stop um, an wen you catch um up, tell um dis: ‘Eh! My boss wen make good to you guys, but you guys, you do one bad ting fo pay um back!

John 13:18

“I no talk bout all you guys. I know da guys I wen pick. But gotta happen jalike da Bible tell from befo time, ‘One guy dat eat wit me go agains me.’

Luke 6:16

James boy Judas, Judas Iscariot, da guy dat bumbye goin set Jesus up fo mahke.

2 Samuel 15:31

Somebody tell David, “Ahitofel, he one a da guys dat stay make one plan wit Absalom fo take ova da govmen.” So David pray to Da One In Charge, “Eh! You Da One In Charge! Wateva Ahitofel tell Absalom az good fo him do, make wat he tell come pupule, aah?!”

2 Samuel 15:12

Wen Absalom make one sacrifice, he sen somebody fo go bring Ahitofel. (Ahitofel, he da guy from Giloh dat help David figga wass da bestes ting fo David do.) Absalom tell Ahitofel fo come Hebron side from his town Giloh. An so da plan Absalom make fo ovathrow da govmen come mo strong, an mo an mo peopo stay go his side.

1 Samuel 19:5

He almos wen mahke, da time he kill Goliat, da Filisha guy. Dat time, Da One In Charge get da Israel peopo outa trouble big time. You wen see wat happen, an you wen stay good inside cuz a dat. So, how come you like do dis bad kine ting to one guy like David dat neva do notting wrong?! An den, you like kill him an you no even know why!”

Jeremiah 18:20

You goin do good kine tings fo dem Wen dey stay do bad kine tings fo me, Jeremiah, o wat?! Jalike dey dig one big hole fo kill me. No foget dat I wen stan in front you An aks you fo do good kine tings fo dem, So you no stay huhu wit dem.