Songs 109:2 - Hawaii Pidgin Bible

² Cuz get bad kine peopo An peopo dat like scam erybody. Dey tell plenny bad kine stuff Bout me. Weneva dey open dea mout, Dey ony bulai.

Songs 109:2 Referans Kwoze

Songs 52:4

You like tell da kine stuff dat wipe out peopo. You get bulaia kine mout.

Jeremiah 9:5

Ery fren bulai dea fren. No mo nobody tell da trut. Dey teach dea tongue fo bulai. Den dey come tired Cuz dey make eryting come hamajang.

Smart Guys 6:17

Da peopo dat ack high makamaka, Da peopo dat erytime bulai, Da peopo dat make peopo bleed, Even if da peopo neva do notting to dem,

Jesus Guys 6:13

Den dey bring odda guys fo bulai bout him an tell, “Dis guy still yet no like pau talk bad bout da Temple dat stay spesho fo God, an bout da Rules From God.

Smart Guys 12:19

Wen you tell da trut, Erybody goin know az right, No matta how long time afta. But wen you bulai, Short time awready, dey know az wrong.

Songs 31:18

Get peopo dat ack high makamaka kine, An tink dey mo betta den erybody. Dey no shame fo talk bad Bout da peopo dat do wass right. But dey erytime bulai. Mo betta dey shut up, Jalike somebody tie up dea mout.

Songs 31:13

Cuz you know, I hear da bad kine tings Dat plenny peopo tell bout me, An all aroun me, Get stuff dat make me real sked. Get peopo dat come togedda agains me. Dey figga how fo kill me.

2 Samuel 17:1

Den get one mo ting Ahitofel tell Absalom: “I like pick 12,000 guys, an go out tonite fo chase David.

Jeremiah 9:3

Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”

Smart Guys 15:28

Da peopo dat do da right ting erytime, Wen somebody tell dem someting, Dey tink firs fo long time Bout wat dey suppose to tell back. But da bad kine peopo, Dey ony motormout fas fo tell pilau kine stuff.

Songs 140:3

Da stuff dey tell can kill you, Jalike one snake bite. Wen dey open dea mout, Eryting dey tell, Jalike da poison from da cobra snake. (Time out fo da music.)

Start 40:15

I come from da land wea da Hebrew peopo stay live. But some guys wen kidnap me an bring me ova hea, an no mo nobody ova dea know bout me. But ova hea Egypt side, I neva do notting bad fo make um throw me inside dis prison ova hea!”