Songs 109:1 - Hawaii Pidgin Bible

¹ God, I like tell erybody Dat you da greates! You gotta do someting! No stay quiet!

Songs 109:1 Referans Kwoze

Songs 28:1

Eh! You Da One In Charge! You da Guy! You strong, jalike one big rock! I stay yell to you! I like fo you help me! So no go make deaf ear! Cuz if you no do notting, I goin be jalike da peopo Dat litto mo mahke An go inside da Deep Dark Hole!

Songs 83:1

God, no jus say notting! No go easy! No hold back fo do someting, God!

Rules Secon Time 10:21

He da One you guys talk good bout. He yoa God dat do all dose awesome an unreal kine tings dat you guys wen see.

Jeremiah 17:14

“Da One In Charge make me come good all ova, Fo me come good fo real kine! Get me outa trouble, Fo me stay outa trouble. Cuz you da One I talk good bout.

Outa Egypt 15:2

Da One In Charge, he da One dat make me strong an solid, He wen come da One dat get me outa trouble. He da God fo me, an I like tell, he da greates! He stay da God fo my faddah guy too, an I goin tell, he da bestes!

Isaiah 42:14

Da One In Charge tell, “From long time I no say notting. I stay quiet an no talk. But now, time fo me talk strong, Jalike one wahine wen she born one bebe, An she make plenny noise, An breave hard, jalike no can get enuff air.

Songs 118:28

Eh God! You da God fo me! I goin tell good tings bout you. You da God fo me, An I goin tell peopo Dat you da greates!

Songs 83:2

Eh! Da diffren peopos Dat stay agains you, Dey stay amping out An making big noise. Da ones dat hate you, Dey make tantaran fo make Jalike dey goin bus you up.