Songs 102:4 - Hawaii Pidgin Bible

⁴ I stay all bus up, Jalike da grass Wen peopo step all ova um, Jalike inside, I stay all hamajang. Da way I feel, I even foget fo eat,

Songs 102:4 Referans Kwoze

Isaiah 40:7

Da grass come all dry, An da flowas come poho an fall down, Weneva Da One In Charge blow on top um. Fo shua, da peopo, dey jalike da grass.

Songs 37:2

Cuz dey goin dry up fas Jalike da grass. Dey goin mahke jalike da green grass.

Songs 77:3

I tink bout God, an I moan. I tink plenny bout stuff, An jalike I pass out inside. (Time out fo da music.)

Ezra 10:6

Den Ezra go way from da Temple Fo God. He go by Jehohanan, Eliashib boy. He sleep dea dat nite. He no eat bread o drink watta wen he stay dea cuz he still stay sad inside cuz he no can trus da peopo dat wen come back from Babylon.

Jesus Guys 9:9

Fo three day he no can see notting. An all dat time he neva drink o eat notting.

Sad Song 3:20

Wen I rememba all dat kine stuff dat taste real bad, Make me stay bum out.

Sad Song 3:13

He shoot da arrows from his arrow bag An stab my heart!

Songs 102:11

Real fas now, da time I stay alive Almos pau! I goin be jalike da shadows evening time. I stay come all dry up, jalike dry grass.

Songs 102:9

Cuz you stay huhu wit me, You pick me up an throw me out Jalike I opala. Da food I eat, ony ashes. I cry an my tears Go inside wat I drink.

Songs 69:20

Da way dem guys talk bad bout me, Inside I come real sore. I look fo somebody Dat can take away da sore, But no mo nobody can do dat.

Songs 42:6

Eryting inside stay all bum out. Still yet, I goin tink plenny Bout you, my God, No matta I stay on top Mount Hermon O on top da Mizar Hill, An inside da land Wea da Jordan Riva start.

Job 33:20

Da sick guy no like eat notting, Not even da bestes kine food, notting.

Job 10:1

An Job tell, “Bum me out, Dat I gotta stay alive! Az why I goin squawk some moa. I goin talk, cuz inside, I feel all hamajang.

Job 6:4

Jalike Da God Dat Get All Da Powa wen shoot me wit arrows, An da arrows get poison dat jam me up inside! God do all kine stuff dat make me sked!

2 Samuel 12:17

Da older palace leada guys stan by his side fo try get him up from da groun, but he no like. An he no eat wit dem.

Job 30:30

My skin come black, My body stay hot wit feva.