Songs 102:26 - Hawaii Pidgin Bible

²⁶ All dat goin come wipe out, But you goin stay foeva. All dose tings, dey goin come poho. You goin change um jalike clotheses, An dey no goin stay no moa.

Songs 102:26 Referans Kwoze

Isaiah 51:6

Look up to da sky. Look down at da earth. Da sky goin go way, jalike smoke. Da earth goin come boros, jalike da boros clotheses. All da peopo on top da earth goin mahke, jalike small bugs. But I goin get my peopo outa trouble all da time. I still yet goin do wass right fo da peopo, all da time.

Matthew 24:35

Da world an da sky goin go way, but da tings I tell no goin go way foeva.

Isaiah 34:4

All da stars inside da sky goin come jalike dey rotten. Da whole sky goin roll up, jalike peopo roll up one paypa. All da stars goin fall down, Jalike da leaf fall down from one grape plant wen stay dry, An jalike da dry up fig fruits fall down from one tree.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.

Luke 21:33

Da sky an da earth goin go way, but wat I tell no goin go way, eva.

Jesus Show 21:1

Den, jalike one dream, I see one new kine earth an one new kine sky. Cuz da firs earth an da firs sky pau, an no mo ocean.

Rome 8:20

All da tings God wen make goin come hamajang an stay lidat. Not suppose to be lidat, but God let um be lidat cuz bumbye he goin make all dat stuff come good one mo time.

Isaiah 66:22

“Jalike da new sky an da new earth dat I stay ready fo make, goin stay long time in front me, da peopo dat goin come from you guys goin stay long time, an peopo no goin foget wat kine peopo you guys, long time too.

Songs 102:12

But you, Da One In Charge, You goin stay king foeva. All da peopo dat goin come bumbye, Dey goin know bout you.

Isaiah 65:17

“Look! I stay make one new sky an new earth. Nobody goin rememba da stuff dat wen happen befo time. Nobody goin even tink bout dat.

Outa Egypt 3:14

God tell Moses, “Tell um dis: ‘My name, “I Stay How I Stay, an I Goin Be Wat I Goin Be”!’ Dass wat you gotta tell da Israel peopo. Tell um, ‘Da One dat get da name I Stay, dass da God dat wen sen me by you guys.’ ”

2 Kings 19:15

Hezekiah pray lidis in front Da One In Charge: “Eh! You Da One In Charge! You da God fo da Israel peopo. You stay in da middo a da awesome angel watcha guys. You da ony God ova all da king guys on top da earth. You da One wen make da sky an da earth.

Job 38:4

“Wea you wen stay wen I put da foundation fo da world? Tell me, if you undastan all dat!