Songs 102:21 - Hawaii Pidgin Bible

²¹ Cuz a dat, peopo goin talk story On top Zion Hill Bout wat kine god Da One In Charge. An dey goin tell Inside Jerusalem town Dat he da greates.

Songs 102:21 Referans Kwoze

Songs 22:22

Afta you get me outa dis, I like tell my braddahs an sistahs Wat kine god you. All my peopo goin come togedda, An I goin tell um how awesome you stay!

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.

Efesus 3:21

Cuz a dat, all da church peopo goin show how awesome God stay, dass all da church peopo dat stay alive now, an all da church peopo dat goin come afta. An Christ, he stay show how awesome God stay, foeva an eva. Dass it!

Isaiah 51:11

“Dis time, same ting! Fo get da peopo outa trouble, Da One In Charge goin pay da price. Dey goin come back Mount Zion side Inside Jerusalem town, Dey goin yell plenny cuz dey feel real good. Jalike dey stay wear one haku lei on top dea head Fo show dey like dance an sing all da time. Dey stay feel good inside An dance an sing wen dey stay coming. Dey no goin feel sore inside, An no goin moan no moa.”

Songs 79:13

Us guys, yoa peopo. You take kea us guys Jalike we yoa sheeps. We goin tell good tings Bout you all da time, To oua kids, an oua grankids foeva. We goin tell da story Bout how you da greates!

Outa Egypt 3:16

“Go now! Tell all da older leadas fo da Israel peopo fo come togedda. Den tell um dis: ‘Da One In Charge, da God dat yoa ancesta guys wen pray to, da God fo Abraham an Isaac an Jacob, he wen let me see him. He tell me, “I wen watch an see awready wat dey stay do to you guys Egypt side.

Outa Egypt 3:17

An now, I tell you guys dis: You guys, you get plenny presha right now Egypt side. But I goin get you guys outa all dat. I goin bring you guys anodda land, da one wea get da Canaan peopo, da Het peopo, da Amor peopo, da Periz peopo, da Hiv peopo, an da Jebus peopo. Inside dat good land, ery place get plenny milk an honey.” ’

Songs 79:11

Wen you hear oua peopo Dat stay prisonas, moaning, Lissen to dem! You get choke plenny powa, So wen da judge guys From da odda peopos tell Dat oua peopo gotta mahke, Make shua dey no mahke!