Songs 102:18 - Hawaii Pidgin Bible

¹⁸ I like fo somebody write down Wat I tell now, Fo all da peopo dat goin come bumbye, Fo da peopo inside one nation Dat no even stay now Tell good tings Bout Da One In Charge.

Songs 102:18 Referans Kwoze

Rome 15:4

Eryting dat peopo wen write inside da Bible befo time, all dat stay inside da Bible fo teach us guys fo come mo strong fo hang in dea. Dass da good kine words we get from da Bible. Fo shua we goin know dat bumbye God goin do plenny good tings fo us.

Isaiah 43:21

I wen make dose peopo fo me Fo dem talk story Bout da good tings I stay do.

2 Peter 1:15

But still yet I goin go all out fo tell dis, so bumbye wen I mahke, you guys no goin foget.

1 Corint 10:11

All dat stuff wen happen to da Israel peopo fo show us guys someting, you know. Dey wen write um all down fo us guys learn wat kine stuff us betta not do, cuz da end a da world time stay coming!

Efesus 2:10

God da One make us guys how we stay now. He make us stay tight wit Jesus Christ, az why us guys can do good kine stuff. Even befo he make us, he awready make plan fo us guys fo do good kine tings.

John 20:31

But da tings I wen write, I write um so you guys goin stay shua fo real kine dat Jesus da Christ Guy, da Spesho Guy God Wen Sen, an he God Boy. Wen you guys trus him, you goin live foeva fo real kine cuz you his guys.

Daniel 9:2

Da firs year he stay king, me, Daniel, I stay study my books bout God dat year. I try fo figga out wat Da One In Charge mean, wen he tell Jeremiah, da guy dat talk fo him, dat afta Jerusalem come bus up an erybody bag, den Jerusalem goin stay all bus up fo seventy year.

Isaiah 43:7

Bring erybody dat get my name cuz dey my peopo. All da ones I wen make fo show erybody How awesome me.

Songs 71:18

No matta I ol awready an get gray hair, God, no dump me, Till I pau tell da kids How strong you stay, An tell all da ones Dat goin born afta dem, Da kine powa you get.

Songs 48:13

Check out da strong wall aroun da town, Go walk thru da strong buildings Inside da wall, Fo you guys tell bout um bumbye To da peopo dat goin come afta.

Outa Egypt 17:14

Da One In Charge tell Moses, “Eh! I goin tell you one ting. Write dis inside one book, so nobody goin foget! Tell Joshua dis wen you write um: ‘Da Amalek peopo, I goin wipe out dea name, so nobody all ova da world no goin foget who dem!’ ”

Songs 69:34

I like fo eryting dat move inside da sky Tell dat God da greates, An da peopo all ova da world Tell dat he da greates. Same ting fo da ocean, An eryting dat move aroun inside dea.