Songs 102:16 - Hawaii Pidgin Bible

¹⁶ Cuz Da One In Charge goin build Jerusalem town one mo time. Den, peopo goin see how awesome he stay.

Songs 102:16 Referans Kwoze

Jeremiah 33:7

I goin bring back da Israel an Judah peopo dat was prisonas ova dea Babylon side. I goin make um strong one mo time, jalike how was befo time.

Songs 147:2

Da one dat stay build Jerusalem town One mo time, az Da One In Charge! He bring back togedda da peopo Dat was prisonas Babylon side.

Micah 2:9

You make da wahines from my peopo run away From dea nice houses. You make dea kids so dey no mo da right eva Fo get all da awesome stuff I like do fo dem.

Jeremiah 31:4

You Israel peopo, Jalike you my daughtah dat I love! I goin build you guys up one mo time Jalike one strong house, An you goin come solid inside. One mo time you goin take yoa tammorines Fo dance an sing wit yoa frenz an get good fun.

Isaiah 66:18

“But me, I know Eryting dey do, an eryting dey tink. I ready fo come Fo bring togedda all da diffren peopos An all da diffren languages. Wen dey come, dey goin see How awesome I stay.

Isaiah 61:3

Da One In Charge sen me fo help da peopo Mount Zion side Dat stay sad inside. He tell me fo give dem One nice haku lei fo put on top dea head, An take away da ashes. An make dem stay feel good inside wit perfume Fo dem no stay sad inside no moa. He sen me fo give um one nice robe fo wear Dat make erybody like tell, “Da One In Charge, da greates!” So dea spirit no feel jalike dey lose fight no moa. Dey goin show dat Da One In Charge make dem get um right wit him, Jalike dey strong oak trees dat Da One In Charge wen plant Fo show how awesome he stay.

Isaiah 60:7

All da sheeps from Kedar goin come togedda fo you guys. Da goats from Nebaiot goin be wat you guys need Fo make good kine sacrifice on top my altar. An I goin make my awesome Temple mo nice still yet.

Isaiah 14:26

Dis wat I wen plan fo da peopo All ova da world. Dass how I stay ready fo use my powa Fo take charge a all da peopos.

Songs 97:6

Da sky show dat he stay do Da right ting erytime, All da diffren peopos see How awesome Da One In Charge stay.

Songs 69:35

Cuz da Jerusalem An Mount Zion peopo, God goin get dem outa trouble. He goin build da towns All ova Judah one mo time. Dose peopo goin live dea, An dea towns goin stay dea property.

Songs 51:18

Eh! You Da One In Charge! Try make eryting Come good fo da Zion Hill peopo! An build da walls Aroun Jerusalem town!

Isaiah 59:19

Da peopo from da west side, Dey goin get respeck fo Da One In Charge Wen dey find out wat kine god him. From da east side, wea da sun come up, Dey goin get respeck fo him Wen dey see how awesome he stay. Wen Da One In Charge come, Goin come jalike one flood inside one small gulch, An wit one strong wind from Da One In Charge Dat goin make um move fas.

Isaiah 60:3

Da peopos from plenny countries Goin come by you guys fo see da light you get. King guys goin come fo see da light too, Cuz stay bright, Jalike da sun come up fo you.

Malakai 1:14

But I tell, get times wen one guy make one promise fo make one sacrifice to me, an he get one good boy kine sheep fo da sacrifice. But den da guy tink he can bulai God. Az why he ony bring one no good kine sheep fo me. But you know wat? Me, Da One In Charge, goin put kahuna on top dat guy! Cuz Da One In Charge, Da God Ova All Da Armies, tell: “I da big king. Az why wen all da diffren peopos find out wat kine god me, dey show real respeck.”