Songs 102:14 - Hawaii Pidgin Bible

¹⁴ Cuz yoa worka guys Get love an aloha fo Jerusalem town, No matta ony get rocks ova dea From da bus up houses. Dey get pity even fo da dirt Dat stay all ova da place.

Songs 102:14 Referans Kwoze

Nehemiah 4:2

In front his frenz an in front da Samaria army guys, Sanballat tell, “Wat dese Jew guys stay doing?! Dey tink dey can build dat wall one mo time, o wat?! Dey tink dey can make sacrifice ova dea?! Dey tink dey can pau do da work in one day?! Dey tink dey can find da big cut stones inside da dirt piles an make um fo dem come good one mo time?! Cuz dey stay all burn up. No way dey can!”

Songs 79:1

Eh God! Da diffren peopos, Dey wen attack da land dass yoas. Dey wen make da Temple pilau Dat stay spesho fo you, Fo us guys no pray dea now. Dey wen bus up eryting Inside Jerusalem town.

Nehemiah 4:10

But da Judah ohana guys tell, “Da guys dat bring da stuff fo fix da wall, dey tired awready. Get plenny junks from da bus up wall, az why us guys no can build da new wall.”

Nehemiah 4:6

Us guys wen build da wall till da whole wall stay join togedda awready an no mo puka, an get ony half way mo fo build. Dat happen cuz da peopo go all out fo work.

Nehemiah 2:17

But laytas, I tell all da guys, “You guys, you see da trouble we get. Jerusalem town stay all bus up. Da town gates all burn up. Eh you guys! We gotta do someting! We goin build da Jerusalem town wall one mo time. Shame, dis! Wen we pau, no mo shame!”

Nehemiah 2:3

But I tell da King, “You da King, an I like you stay live foeva! But how I can stan hea an no stay sad?! Cuz da big town wea my ancesta guys stay bury, stay all bus up. Da main gates fo da town, all burn down.”

Nehemiah 1:3

Dey tell me, “Da Babylon king wen take away oua peopo from dea land an bring um ova hea Babylon side. Laytas, plenny peopo wen go back Jerusalem side fo live inside Judah. But tings no stay good ova dea you know. Cuz stay real hard fo dem, an da odda peopos ova dea stay make dem plenny shame. Da Babylon army guys wen broke down da strong wall aroun Jerusalem town, an burn down da gates.

Ezra 7:27

Den Ezra tell: “I like tell erybody good tings bout Da One In Charge, da God fo oua ancesta guys. He da One dat wen make King Artaxerxes help fix da Temple Fo Da One In Charge, Jerusalem side, an make um real nice!

Ezra 1:5

God make da Israel peopo feel good inside an dey like go back Jerusalem side. He even make da pries guys an da helpa guys from da Levi ohana feel good inside an dey like go back, an same ting fo da leada guys fo da Judah an Benjamin ohanas. Dey all like go back Jerusalem side fo build da Temple Fo Da One In Charge cuz da Temple stay all bus up.

Daniel 9:16

Boss, you do eryting right. So I tell I like you fo pau stay huhu agains us guys, an no stay mad no moa. We come from Jerusalem, yoa big town, da hill dat stay spesho fo you. All da peopo aroun us stay laugh at us guys an poin finga us cuz a all da bad kine stuff we stay do, an da bad kine stuff oua ancesta guys wen do.

Ruth 1:6

Naomi stay Moab side still yet. Den she hear dat Da One In Charge wen figga az time now fo help his peopo Judah side, an he give food to dem. So Naomi an her two daughtah-in-laws make ready fo go way from da Moab land an go back da place Naomi come from.

Songs 119:126

Eh! You Da One In Charge! You gotta do someting now, Cuz get guys dat stay broke yoa Rules.

Isaiah 14:1

Da One In Charge goin show pity fo da Jacob ohana, An he goin pick da Israel peopo one mo time Fo be his peopo. He goin let dem res on top dea land. Even peopo from anodda place goin come by da Jacob ohana peopo, An goin stay tight wit dem.

Isaiah 40:2

You guys, talk to da Jerusalem peopo An tell all dem Fo dem feel good inside. Tell dem dat da hard work dey wen do Cuz dey owe me plenny, all pau awready. Da bad tings dey wen do, Dey awready get punish fo all dat. Me, Da One In Charge, I wen awready pay dem back double Fo all da bad kine stuff dey wen do.”

Isaiah 51:3

“Az cuz Da One In Charge goin help da Jerusalem peopo So dey no stay sad no moa Bout all da stuff stay bus up ova dea. He goin make da boonies come Jalike how he wen make da place Eden side. Da dry up country goin come Jalike one garden fo Da One In Charge. Da peopo ova dea goin feel real good inside, An dance an sing. Dey goin tell Da One In Charge, ‘Mahalo plenny!’ an dey goin sing.

Jeremiah 29:10

But dis wat Da One In Charge tell fo real kine: “Wen da time pau fo da Babylon guys stay in charge, az goin be seventy year. Dass wen I goin come by you guys. I goin make happen fo you guys da good kine stuff dat I wen make one promise fo do. I goin bring you guys back dis place.

Jeremiah 30:18

Dis wat Da One In Charge tell: “I goin make tings come good one mo time fo da peopo dat come from Jacob. I goin show love an pity fo dem wea eva dey live. Dey goin build Jerusalem town one mo time On top wea da bus up town was befo time. Dey goin build da palace one mo time dat get strong wall, An put um wea suppose to stay.