Songs 102:11 - Hawaii Pidgin Bible

¹¹ Real fas now, da time I stay alive Almos pau! I goin be jalike da shadows evening time. I stay come all dry up, jalike dry grass.

Songs 102:11 Referans Kwoze

Songs 109:23

I litto mo disappea Jalike one aftanoon shadow. Jalike wen you shake off one locust bug.

Job 14:2

Us grow jalike one flowa, an den quick, us come all dry up. Us jalike one shadow dat disappea right den an dea, An no stay.

Songs 144:4

Us peopo ony stay hea short time, Jalike one breat us guys breave, O jalike us one shadow Dat pass by fas.

1 Peter 1:24

Da Bible befo time tell, “Erybody stay jalike one grass, o one flowa. Dey ony nice fo short time. Den da grass all dry up An da flowa fall down. Den dey come poho an mahke,

James 4:14

Eh, you guys! You guys donno wat goin happen tomorra, o how yoa life goin be! You jalike da morning kine cloud dat come way down. You spock um one short time ony, an den, dey go way.

James 1:10

Da rich braddah, he can feel good inside too, cuz he know dat da rich kine stuffs he get no goin stay foeva, an he goin mahke too, jalike da wild flowa dry up.

Teacha 6:12

So who know wass good fo peopo do all da time dey stay alive? Dey ony get short time fo live, jalike one shadow dat no stay long time, an dat no make sense. An who can tell dem wat goin happen unda da sun afta dey mahke?

Job 19:10

God bus me up all ova, till I almos mahke, Jalike he bus up da wall aroun one town! He jam up eryting I stay wait fo, Jalike he pull up da roots from one tree.

Sad Song 3:1

I one guy dat wen suffa plenny, Cuz Da One In Charge stay real huhu wit me.