Songs 101:2 - Hawaii Pidgin Bible

² I goin tink plenny bout how fo live Fo nobody poin finga me. So den, wen you goin come by me? Wen I stay inside my palace Fo judge peopo, I goin know Nobody can poin finga me.

Songs 101:2 Referans Kwoze

Songs 119:106

I make one strong promise awready, An now I tell dis one mo time, Dat I goin do Wat I wen promise fo do. I goin do da tings dat you tell Stay right, cuz you da judge.

1 Kings 9:4

“Now, you gotta live in front me jalike yoa faddah David wen do, cuz he wen go all out fo me, an he do eryting da right way. Same ting fo you, you gotta do eryting I tell you fo do, an run yoa govmen da way I like.

Songs 119:115

All you peopo dat stay do bad kine stuff, Get away from me! Cuz I goin do da tings Dat my God tell me I gotta do.

Songs 101:6

I goin look good fo find out Who fo trus inside dis land, Fo dem live wit me. Da ones dat stay live da way Nobody can talk bad bout dem, Dey goin be my helpa guys.

Songs 40:17

But me, I no mo notting. I ony get hard time. I like you, my Boss, tink bout me! Cuz eh! You my helpa! You my God! No wait! No take long time, aah?!

1 Kings 11:4

Den wen Solomon come ol, Solomon heart follow his wifes odda kine gods. Inside, he no stay okay cuz he no stay tight no mo wit his God, Da One In Charge. He no stay jalike his faddah guy David.

Rules Secon Time 6:7

Make dese da main ting you teach yoa kids. Talk bout um erytime, wen you guys stay inside yoa house, wen you walk on top da road, wen you lay down, an wen you wake up.

2 Records 30:12

An inside Judah too, God help da peopo figga az good fo dem come togedda. God give dem all da same idea, fo dem all like do wat da king an his leada guys tell um fo do bout Da One In Charge.

2 Records 15:17

No matta da sacrifice places fo da odda gods still stay dea inside Israel, Asa get one good heart fo Da One In Charge all da time he stay alive.

1 Samuel 22:14

Ahimelek tell da king, “No mo nobody from all yoa officer guys mo solid fo you den David, yoa son-in-law! He da captain fo yoa bodyguard. Erybody inside yoa ohana get plenny respeck fo him.

Joshua 24:15

But if you guys no like work fo Da One In Charge, den today pick wat gods you goin work fo! Goin be da gods yoa ancesta guys wen work fo da odda side a da Eufrates Riva, o da gods fo da Amor peopo wea you live now, o wat?! But me an my ohana, us guys goin work fo Da One In Charge!”

Start 18:19

“He da guy I wen pick fo come tight wit me. Dass how I know he goin tell his kids, an da peopo dat work fo him, an da peopo dat goin come from dem, dat dey all gotta live da way I tell um fo live, fo dem do da right ting erytime an stick wit my rules. Dass how I goin make happen fo Abraham da tings dat I wen tell him goin happen. Az why I goin tell um dis!”

Isaiah 38:3

“Bummahs! You Da One In Charge! Try no foget all da stuff I wen do! I no hide um from you. I da kine guy you can trus, an do eryting I promise fo do. I try fo make shua I do ony good kine stuff dat you tell az good.” Den Hezekiah cry plenny.

2 Samuel 8:15

David stay da king ova da Israel peopo. He judge da right way, an he do wat stay right fo all his peopo.

Outa Egypt 20:24

Dis how you gotta do fo me: Pile up dirt fo make one altar fo me. On top da altar, kill sheeps an goats an cows fo make sacrifice—da kine wea you burn up da whole animal afta you kill um, an da kine you make fo show dat you an me stay tight togedda. Den ery place I goin tell you guys fo come, fo tink bout who me an talk bout me, I goin come by you dea an do good tings fo you.

Songs 26:11

But me, da way I live, I do eryting how I suppose to do. Az why, get me outa trouble An do good tings fo me.