Songs 10:11 - Hawaii Pidgin Bible

¹¹ Da bad guys, dey tink, “God, he foget awready! God look da odda way, Fo make jalike he neva see notting.”

Songs 10:11 Referans Kwoze

Ezekiel 8:12

God tell, “Eh, Fo Real Kine Guy! You see wat da older leada guys fo da Israel peopo stay do inside dis dark place? All a dem stay by da rooms dat get dea idol kine gods inside. Cuz dey tink, ‘Da One In Charge, he no stay! He no see us! He wen bag from da land!’ ”

Songs 94:7

An dey tell, “Da One In Charge, he no see notting! Da God Jacob wen pray to, He no undastan wat stay happen!”

Songs 73:11

Da bad peopo talk lidis: “Eh, how God goin find out Wat us stay do? No can! Dis God Dass Mo Importan Den All Da Odda Gods, You tink he know wass happening, O wat?! Nah!”

Songs 10:6

Dem buggahs, dey tink in dea head, “Me, I stay solid, Notting goin throw me off! Me, I not goin get trouble, Me, an all my ohana, foevas!”

Ezekiel 9:9

Da One In Charge tell me, “Da Israel peopo an da Judah peopo do real plenny bad kine stuff. Get plenny peopo dat wen bleed an mahke all ova Israel an Judah. An da judges all ova Jerusalem town no judge da right way, so dey let da killa guys go erytime. Da Israel peopo an da Judah peopo tell, ‘Da One In Charge wen bag from dis land. Da One In Charge, he no see wass happening!’

Teacha 8:11

Wen one guy do someting bad, an peopo no punish um right den an dea, da peopo goin figga dey can do all kine bad kine stuff too.

Songs 64:5

Dey make one plan fo do bad tings, An dey make shua dey do um. Dey talk story plenny bout how Dey goin put up dea traps. Dey tell, “Nobody goin see us!”

Luke 7:39

Wen da Pharisee guy dat tell um fo come see dat, he tink, “Eh, if dis guy was one guy dat talk fo God fo real kine, den he know wat kine wahine stay touch him. He know she one wahine dat do bad kine stuff.”

Mark 2:6

But get some teacha guys dea dat teach da Rules From God. Dey tink,

Songs 59:8

But you, Da One In Charge, You ony laugh at dem. You make fun a all da diffren peopos.

Songs 64:6

Dey make one plan fo do Real bad kine tings, an tell, “Us guys wen plan um out real good!” Fo shua, real sly kine Wat peopo tink, you know!

Hosea 7:2

But dey no tink dat I rememba All da bad kine stuff dey do. Da bad kine stuff dey do still stay all aroun dem. I erytime see da bad kine stuff dey do.