Smart Guys 9:7 - Hawaii Pidgin Bible

⁷ (You know, anybody dat talk To da kine big head guys Dat ony talk bad bout erybody, An tell um, “Eh, no good wat you stay do!” Da bad guys ony goin make shame Fo da guy dat talk to dem lidat. Anybody dat tell one guy dat no stay do da right ting, “Eh, you not suppose to do dat!” Da guy dat tell um dat, Ony goin get bus up.

Smart Guys 9:7 Referans Kwoze

Smart Guys 15:12

Da peopo dat no mo respeck fo nobody Cuz dey tink dey know eryting, Dey no like wen peopo tell dem dey wrong. Dey no goin go By da peopo dat know wat fo do erytime, Fo aks dem fo help.

Smart Guys 23:9

No say notting To da kine guy dat tink he too smart But yet he not too smart, Cuz you know wat fo do erytime. But you talk to him lidat, He goin ack jalike wat you tell no mean notting.

2 Records 36:16

But dey ony make fun a his messenja guys. Dey tink eryting God tell ony junk. Dey laugh at da guys dat talk fo God. Dey stay make lidat, till Da One In Charge come real huhu wit his peopo, an no mo notting can make him no punish da Judah peopo.

1 Kings 22:27

Tell um, ‘Dis wat da king tell: Put dis guy in jail. Give um ony litto bit jail kine bread an watta, till I come back da winna.’ ”

1 Kings 22:24

Den Zedekiah, Kanaanah boy, go ova dea an slap Mikaiah head. He tell, “So! How da spirit from Da One In Charge goin leave me, fo go ova dea talk to you, aah?!”

1 Kings 21:20

Elijah go dea, an Ahab tell, “You da guy dat stay agains me, an now, you find me!” Elijah tell, “Fo shua I find you, cuz you wen go sell out fo do real bad kine stuff dat Da One In Charge tell, no go do!

1 Kings 18:17

Wen Ahab see Elijah, he tell um, “So! You da guy dat stay make trouble fo all da Israel peopo!”

Job 5:17

“Wen peopo jam up, An God tell um wat was da right ting fo dem do, Dey can stay good inside. Az why, no come huhu wen Da God Dat Get All Da Powa Punish you fo teach you someting!

Smart Guys 13:1

You get somebody dat know wat fo do erytime, Dat mean dea faddah make dem learn. But da buggahs dat no mo respeck fo nobody Cuz dey tink dey so smart, Dass why dey no lissen, neva mind you scold dem.

Isaiah 36:21

But da three guys stay no tell da Assyria guy notting cuz King Hezekiah wen tell dem befo time, “Ony lissen an no talk back to him.”