Smart Guys 9:12 - Hawaii Pidgin Bible

¹² If you like know mo bout wat fo do, You da one goin get all da good stuff cuz a dat. But if you talk jalike dey stupid To da guys dat know wat fo do, You da ony one dat goin suffa cuz a dat!

Smart Guys 9:12 Referans Kwoze

Ezekiel 18:20

Da guy dat do da bad kine stuff, ony him da one goin get cut off from me. Da boy no get da blame fo wat his faddah wen do. An da faddah no goin get da blame fo wat his boy wen do. Da guy dat do wass right, God goin give um credit fo dat. But da guy dat do wass bad, God goin tell da guy get da blame fo dat.

Job 22:21

“Go come tight wit God! Make eryting come good wit him! Wen you do dat, good kine stuff goin happen to you.

Smart Guys 16:26

If da worka guys feel hungry, den help dem, Cuz den dey work mo hard fo pau da job, Fo dem eat.

Isaiah 28:22

So now, dass why you guys betta not make fun a wat I tell, O God goin punish you guys even moa. Cuz dis wat Da One In Charge a me tell, He Da God Ova All Da Armies: He make up his mind awready Fo wipe out all da Israel peopo Inside da land!

2 Peter 3:16

Erytime Paul write one letta, he talk bout dis kine stuff. Fo shua, get stuff inside his lettas dass hard fo undastan. An get peopo dat no bodda fo learn dis stuff an no stay solid inside. Dey take wat Paul tell an make um all hamajang. Dey do da same ting wit all da odda stuff inside da Bible too. Da guys dat make lidat, dey goin come wipe out fo shua.

Galatia 6:5

Cuz erybody gotta make shua dey pono, no matta odda peopo not pono.

Smart Guys 14:14

Da peopo dat like go back do da bad kine stuff, Dey goin get plenny bad kine pay back Cuz a da way dey like live. But da peopo dat do good kine stuff, Dey goin get back mo plenny good kine stuff.

Smart Guys 19:29

God stay ready fo punish Da kine buggahs dat no mo respeck fo nobody Cuz dey tink dey mo smart! He get one whip fo wack Da kine dumb buggahs dat no like learn notting.

Job 19:4

Az not true dat I jam up. But if az was true, Den az ony my problem, not yoas.

Zekariah 12:14

An all da odda ohanas goin cry, an dea wifes goin cry too.”