Smart Guys 9:10 - Hawaii Pidgin Bible

¹⁰ If you come sked wen you tink bout who Da One In Charge, Cuz you get plenny respeck fo him, Den you ready fo start fo learn wat fo do. An if you know da One dat stay good an spesho, Den you stay ready fo start fo undastan stuff.

Smart Guys 9:10 Referans Kwoze

Songs 111:10

If you come sked wen you tink Bout who Da One In Charge, Cuz you get plenny respeck fo him, Den you ready fo start Fo learn wat fo do. Erybody dat stay do Wat Da One In Charge tell um fo do, Dey can undastan stuff fo real kine. Good, dat erybody tell all da time Dat Da One In Charge, he da greates!

Job 28:28

An he tell da peopo, ‘You know wat?! If you get choke respeck an stay sked a da Boss Up Dea, Den you goin know wat fo do erytime! An if you stay away from da bad kine stuff, Dat goin show you undastan plenny!’ ”

Smart Guys 1:7

Fo know stuff fo real kine, Main ting, you gotta get awesome respeck fo Da One In Charge Fo you stay sked wen you tink bout him! Ony da peopo dat do bad kine stuff, no bodda dem. Dey figga az wase time, fo learn wass importan fo do An fo stick wit wass right.

Teacha 12:13

Now dat you wen hear eryting, Dis da mos importan ting: Get choke respeck fo God, an do wat He tell you fo do, Cuz az da kuleana fo erybody.

Smart Guys 2:5

Cuz if you do dat, Den you goin undastan fo real kine Wat mean, ‘You betta come sked Da One In Charge.’ An bumbye you goin know God.

John 17:3

Dis wat da kine life mean dat stay fo real kine foeva: dat da peopo dat get dat kine life know you, da ony God dass fo real, an dat dey know me too, Jesus Christ, da Spesho Guy You Wen Sen.

1 John 5:20

We know dat God Boy wen come an help us guys fo undastan. Az how we know da real God. Us guys stay tight wit da One dass da real God—wit God Boy Jesus, da Spesho Guy God Wen Sen. Dass da real God, an dass da real kine life dat goin stay to da max foeva!

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

Smart Guys 30:3

I neva learn how fo know wat fo do erytime, An da stuff dat da God Dat Stay Good An Spesho know, I donno.

Matthew 11:27

Den Jesus tell dem, “My Faddah in da sky give me eryting, you know. I his Boy, an az why he do dis. Nobody know me jalike my Faddah know me. An nobody know my Faddah fo real kine, ony me, I know him, cuz I his Boy. An da Boy da one dat pick da peopo he like show da Faddah to dem.

Songs 34:12

If you like live fo real kine, An like fo good tings happen to you Fo long time,